Thil Mankhung Le A Retnak Beel

April 16

Tlawngkai Ninga

Thil Mankhung Le A Retnak Beel

Siar:

2 Korin. 4:1-11

Sikhalsehla hih thlarau rothil a cotu kannih cu leilung ih tuahmi beel bangtuk lawng kan si; ziangtintile a saangbik thuneihnak cu kannih taa si loin Pathian ih taa a si, ti langternak ah a si.   -2 Korin. 4:7

Kumkhat Sung Baibal:

–   1 Samuel 30-31

–    Luka 13:23-35

Rom Acozah cu olive sitii in an nung an rak ti. Rawl suannak, tikholnak, sii, raithawinak, mei-inn le ttammawi awknak ah an hmang. Kum reipi thlanglam Spain ram in amphorae timi leibeel thawn Rom ram ah olive sitii an kuat. Cumi beel cu kuat saal ding a ttha nawn lo ruangah an hlon ih beelkuai pen tumpi ah a cang ih Moute Testaccio tiah an ko. A rei tikah cuih amphorae beel kuai 25 million cu tlaang (mountain) ah a cang. Culai ahcun, beel ih mawinak cu a man sisawn loin a sung ummi sawn kha a  si.

Kum zabu pakhat lai ih Khrih zumtu pawl hnenah, Paul in Jesuh ih nunnak tahtthimnak thawn a sim hngai. “Kannih cu leilung in tuahmi beel bangtuk lawng kan si, ziangtintile a saangbik thuneihnak cu kannih taa si loin Pathian taa a si,” a ti (2 Korin. 4:7).

Kan taksa hi amphorae bangin a laangte, a kuai le a siat theimi a si. Atu san, a lenglam mawinak thupitter san ahhin, kan sungah thil mankhungbik Jesuh a um maw?  Pathian ih zaangfahnak le A huham thawn kan nun lawngah midang in kan sungih Khrih an hmu thei ding. Kannih cu tlakbeel men kan si. Jesuh Khrih cu kan sungih thil mankhung a si.     –David McCasland

Ka lenglam phaw siat hmanseh,

Ka sunglam nun cu nitin thatter a si;

Khrih ih nunnak le A huham cu,

A kuai theimi ka sungah a um. -Sper

Kanmah hi a dunglam kekkuai ih kan um asile

Khrih Jesuh cu mi in fiangte’n an hmu thei ding.

(Visited 23 times, 1 visits today)

Comments

comments

Comments

%d bloggers like this: