Thil Kan Ti Palh Caan Ah

1238187_3528245021642_1814660854_n

Cangantu- Mai Sui Cer Chin

Mai Sui Cer Chin

Milai si hnuhnu cun zokhal kan tuahmi tinkim ah athabik si kan duh cio. Hlawhtling dingin khal kan zuam cio. Sihmanseh kan duhdaanvek le tumtahvek in thil a feh lo caan a um theu. Caan tamsawn cu kanmah thil ti thiam lole daithlan ruangah asi bik. Asinan tisual ti hnuhnu cun a man kuan tengteng a rak tul.

Thilsual veikhat kan tuah caanah ‘pitlin nun in zirhtu a si, nolh sal lo a thupi’ tin mah le mah thazang kan pek awk theunan vei tampi kan nolhsal ngah theu tikah pitlin nun lam silo in kan nun in tumsuk pi.

Ahlan ih kan tuahkel mi hman kan ti ngamnawn lo, mah le mah zumawknak a hlo. Kan tisual mi a tum cun mah le mah hman ngaithiam theih lo a ol te. Cuvekcaan ah atanglam ih ka tarlang mi pawl hi mang ringring aw:

1) Ziangruangah na ti palh theu ti kha dunglam kir in zohfel sal aw.

2) Na ti palhmi pawl lole na ti palhnak a rak tuartupawl hnenah acangthei sile ngaithiam va dil aw.

3) Pathian cun ngaidam tlaklo tiih na ruatawk caan hmanah a lo duhdawt ih a lo thei ringring tu asi. Na tuahding sawncu neta ti sual lo ding in Pathian hnenah fimnak le amah ih lamhruainak dil sawn hi a si.

4) Pathian in a lo ngaidam zo sisi, ziangah so na phurrit rero, ngaidam awk ve aw.

5) Pathian in na sinak le na sirawknak a thei theh. Pathian ih lungkimnak tel loin na parah zianghman thil a thleng lo. Tui’h na tuar daan vekin a tuar tu na hmuh tikah an nun domso tu na si leh lo ding ti kan simcia thei lo.

6) Himi thil ruangah leilung pi a cemnet ding ti si cuang ual lo, hmailam pan in kekar thok sal mei aw.

Comments

comments

Comments

%d bloggers like this: