Thil Fate

June 16

Tlawngkai Nithum

Thil Fate

Siar:

Matthai 7:1-6

Nan mit sungih thingtum a ummi sawn ruat loin ziangahso na unau mit sungih mit-hnawm fate lehlam na zoh?    -Luka 6:41

Kumkhat Sung Baibal:

–   Nehemiah 4-6

–   Tirhthlah 2:22-47

Thli hran ni nikhat ih hrampi ka aat rerolai ah thli lak ihsin a ra zammi thil fate pakhat ka kehlam mit sungah a lut.

Nazi rei lote ah cuih thil fate cun ka mit a nuam loter ih hlonsuak dingin ka zuam rero. Ka nupi Sue cu nurse pakhat a si vekin a ti thei patawp in a zuam rero na’n a suah ngah thei lo. Netabik ah siikhan (clinic) kan feh na’n cutawk ih ttuanvo neitu pawl khal in an ti thei cuang lo. Sii phunkhat in thuh/hnih sak ih nazi reipi nuam lozet ih ka hngah hnu lawngah a ttha saal.

Himi hnawm fate in ka mit nuam lo ko in i tuahmi in Matthai 7 sungih midang soisel lo ding thu Jesuh ih zirhmi thu i mangter saal. Ka ruah hmaisabikmi cu nitin kan nunnak ah kan ton ngaingai ttheumi thil in Jesuh ih tahtthimnak a simmi hi kan thinlung sungah poimawhzet ih laak le cuangter ding hi a si. Mah ih sualnak thei aw loin midang soisel cu ziangtluk mi-aa hna a si zia mit-hnawm thawn tahtthim in Jesuh in a sim. Mai’ mit sungih mit-hnawm tumpi hman poisa loin unau mit sungih mit-hnawm fate coih sak tum cu a dik lo. Midang mawhnak lawng poisa ih mai’ mawhnak poisat lo ding cu ruah ban ding a si lo.

Mah le mah dikzet le hmaan ttheh ih theih awknak lungput cu Khristian nun ah hmun a neih lozia cu fiangte ih hmuh theih a si.     –Dave Branon

Thlacamnak Pakhat

Bawipa, keimah ih a poimawhzetmi sualnak poisa loin ka umlai ah,

midang mawhnak fate kutzung va khihtu si lo dingin i bawm aw.

Ngaidamnak a suahpitu sir awknak thawn Na hnenah ka lung a awi.  Amen.

Midang mit-hnawm na hawl hlan ah,

nangmah ih mit-hnawm zohfel hmaisa taa aw.

(Visited 38 times, 1 visits today)

Comments

comments

Comments

%d bloggers like this: