Thil Fate pawl

December 7

Tlawngkai Nihnih

Thil Fate pawl

Siar:

2 Korin. 1:3-7

Mi zaangfahtu kan Pa, ziang tinkim ah bomnak in petu Pathian cu lawm uhsi! Harsatnak a phunphun lakah in bawmtu cu Amah a si.

– 2 Korin. 1: 3-4

Kumkhat Sung Baibal:

–          Daniel 5-7

–          2 Johan

New York ih siilam tlawng pakhat ih geriatric timi tar pawl hrangih hmanmi sii phunkhat thuhla a zirtu tlawngta pawl cu ni (10) sung tar pawl fingkhawinak inn pawl ah um vekin zirnak caan ttha danglam an ngah. Raalringzet le thiamzet ih leeng ke nei tokheng mawng, ihnak ihsin khai ih laak, tohmun ih tikholhnak laak tivek cangvaih daan an zir. Minaa pawl in an khan ol te’n an hmuh theinak dingah sangka tluan ih tarmi hmin khennak phek pawl niamte ih tar, TV onnak remote an laak bannak ih ret tivek thil fate pawl ih thupit zia an zir.

Tlawngta pawl in famkimzet in an theithiam hrih lo ding nain hmailam ih hna an ttuan tikah ttha sin in tar pawl an tuamhlawm thei ding.

Pathian in kan harsat caan ah Amah ih in hnemnak le kan zir ngahmi pawl in midang bawm dingah caan ttha in pek ttheu. Paul in, “Kan Bawipa Jesuh Khrih ih Pa le Pathian, mi zaangfahtu kan Pa, ziang tinkim ah bomnak in petu Pathian cu lawm uhsi. Pathian hnenih kan comi bomnak cu hmang tahrat in harsat mangbangnak a phunphun a tongtu pawl kha kan bawm thei ve a si,” (2 Korin. 1:3-4) a ti.

Harsatnak na tonlai ih na zir ngahmi pawl midang hrangah na hmang maw? Thil fate pawl in tthathnemnak tampi an neih kha ciingmang aw.  –  Anne Cetas

Pathian ih in pekmi bomnak,

Midang seuhter in duh;

Harsatnak a tuartu pawl thawn,

Cule a cawmhlawmnak an thei ngah ve ding. – Sper

Nuamzet ih um dingah Pathian in in bawm lo;                                    midang bawm theitu si dingah in bawm.

(Visited 29 times, 1 visits today)

Comments

comments

Comments

%d bloggers like this: