Thiisen ih Huham

April 12
Tlawngkai Nili

Thiisen ih Huham

Hiti’n a tuah tikah A tumtahmi cu Amah a thihnak ihsin thihnak parih thuneitu Satan kha a siatsuah ih, cuticun an nun sung hmuahhmuah thih ttih ah sal bangin khua a sami pawl luatter dingah a si.
– Hebru 2:14-15

Bible Siar Ding: Hebru 2:1-18

Pathian in na theih dingih a lo duhsakzetmi cu nangmah hi a Fapa Jesuh ih thiisen sunglawi in tlenmi na sinak, dingfelnak sungah hrin tharnak thawn thlenter na sinak, thimnak ihsin tleunak sungah thlengh na si zonak, le Satan huham cahnak sungih khummi dinhmun ihsin Pathian uknak sungih thlenh zomi na sinak theih fiang ding hi a si. Hih a sunglawimi Jesuh thiisen ih rundamnak hin Satan uknak sal sung ihsin a lo luatter dingih Khrih thawn a rocotu ah a lo tuah ding. Himi hi Khrih sungah ro sunglawi kan comi cu a si. Pathian sunglawi seh!

Jesuh cu taksa in a phuanglang aw ih khawsia khuavang ih hnattuannak pawl a siatbal thluh. Pathian in Amah zumfektu a fahniang le pawl cu nehtu in siter ih a nasazetmi Amai’ huham in sualnak ih huham siatter theinak thazaang in pek. Kan nunnak a tharin in thlengh sak ih dingfelnak a duhtu le sual a huatu ah in canter. Mi thianghlim ah in canter, Thlarau Thianghlim huham in Pa cu Fapa Jesuh sungih a um vekin Pathian cu kan sungah Khrih thawngin a um thei a si.

Khrih ih thungainak (obedience) nun ruangah Khrih zumtu pawl cu Pathian fa sinak kan co ve a si, timi hi nan theih fiang dingah ka lo duhsakzet. Ca Thianghlim ih simmi hi hngilh hlah uh: “Pathian ih Fapa a si ko nain Pathian ih thungaitu (obedient) si dingah harsat tuarnak ihsin a zir a si” (Hebru 5:8). Bible na siar asile Jesuh cu leilung tlun ah a um duak na’n hih leilung ih taa a si lo zia na hmu fiang ding.

Cumi cu duhnungza – vanlam sunlawinak a si – sersiam thar ih huham, Ai-awh thihnak zumnak thawngin dingfelnak sungih hrintharnak a si. Cumi cun na nunnak a lo thlengh sak dingih Jesuh Khrih sungah na um thei ding. Cule nehnak huham, kilven theinak le khahter theinak huham a si zia na thei dingih minung taksa pum na keng hrih ko na’n Thlarau Thianghlim ih ukmi na si zia na thei aw ding.

Duhdawtmi zumtu unau, Thlarau Thianghlim ih maksaknak, sunlawinak le mawinak sungah nunnak tlamtling nei dingin atu Khrih hrangah pumpe in nung ve thlang aw!

Rinhlelhnak lamzin suahsan in Zumnak ih Nehnak lamzin zawh thlang aw!

@ Smith Wigglesworth

(Visited 24 times, 1 visits today)

Comments

comments

Comments

%d bloggers like this: