Thihpi Tlak Sualnak

January 25

Tlawngkai Nikhat

Thihpi Tlak Sualnak

Siar:

Johan 16:17-24

Atu ahcun nan riah a sia, sikhalsehla ka lo hmu saal dingih nan thinlung cu lungawinak in a khat ding; cuih lungawinak cu zohman in an lo long thei nawn lo ding. -Johan 16:22

Kumkhat Sung Baibal:

–   Suahlannak 12-13

–   Matthai 16

Kum zabu paruklai ih an rak nganmi thihpi tlak sualnak pasarih ih thu na thei cia ko ding. Cu pawl cu: tisa hiarnak, rawl pham, duhham, zaangzel, phuhlam, iksik, le hngalnak pawl an si. Kum zabu pali lai ih an nganmi ahcun riahsiatnak khal a tel nain netalam ah an telh saal nawn lo.

Mi hrekkhat cu thinlunglam lungawinak thluasuah an co. Lungawi ringring vek an bang. An hni siamsi ringring ih haa tthuahnak sii an cawngia hmang ti ruah pangnak. Mi hrekkhat cu ninghang riahsia ringring an bang. Nunnak ih phurrit an vuihram ringring. Harsatnak in mi tha a nauter, ti cu zo in so kan el thei ding?

Lungawinak thluasuah hi mikip ih comi a si lo kan ti ttheu. Kan theih ttulmi cu Jesuh in a dungthluntu pawl pek dingih a kam hngaimi pakhat cu lungawinak a si. Riahsiatnak in kan thinlung nehkhuh lo dingin kan do a ttul.

Jesuh in, “Cuih lungawinak cu zohman in an lo long thei nawn lo ding,” a ti (Johan 16:22). Lungawinak cu Thlarau rah phunkhat a si (Galati 5:22). Riahsiatza kiangkap thil cangmi ih khatlam ah hmailam ih co dingmi lungawinak cuan thei dingin kan thinlung thazaang pe dingah Bawipai’ hnenah bomnak dilngen uhsi! (Hebru 12:2).

Bawipa Jesuh, Nangmah lawng in lungawinak dik in pe thei,

Minung thinlung ih riahsiatnak na theih ruangah;

Sunlawinak taanta in mi thinlung neh dingah lei ah na ra,

Kumkhua hrang veikhat, sualnak hrangah tuar dingin.

Lungawinak cu caan tinte ah a rahmi Thlarau rah a si.

(Visited 22 times, 1 visits today)

Comments

comments

Comments

%d bloggers like this: