Thihnak tlak Natnak

August 14

Tlawngkai Ninga

 

Thihnak tlak Natnak

 

Siar:

Joshua 7:1, 19-26

 

Sikhalsehla kanmah ih sual ruangah hriamhma a pu.

Thil ttha lo kan tuah ruangah vuaknak a tong.

Hremnak a tuarmi cu kan damnak a si.

Vuak a tuarnak cu kan rundamnak a si.      –Isaiah 53:5

 

Kumkhat Sung Baibal:

–   Saam 89-90

–   Rom 14

 

2003 kum ah SARS timi natnak cu Vietnam ram a ah a suak ih leitlun ram dangdang ah a karhzai tikah minung 800 tluk an thi. SARS natnak ah pangang a um ti a thok ah an rak thei lo ruangah a si.

 

Cuhnak ih a ttihnung sawnmi natnak cu kan leilung ah sualnak thlahthlam hi a si. Sualnak cu uk a harzet, ziangahtile mi tampi in sualnak hi thihnak thlentertu a si ti an thei lo. Sualnak thawn pehpar in Bible ih zirhmi khal an el.

 

Joshua bung 7 sungah Akhan ih thuanthu raapthlak kan hmu. Pathian in a sualnak ruangah a parih a tuahsiat zia kan hmu. Pathian thupek a el ih Jericho khua ihsin thilri pawl laak in a thlam sungah a thup (c. 21). Amah le a innsaang zate’n an nunnak an liam (c. 25).

 

Lungawi dingmi cu Pathian in kan parah cuti’n in tuah siang lomi hi a si. Cuti’n in tuah hnik bang sehla leitlun ah zokhal kan taang lo ding. Kanmah rundamnak hrangah thinglamtah parih Jesuh kuattu a si ruangah thihnak thlentertu sualnak hi kan thlahthlam lo pei.

 

SARS vekin, a pakhatnak ah sualnak hi a sinak vekin kan theih a ttul. Lungawi te’n kumkhua nunnak laksawng cu cohlang aw. Cuhnu ah Pathian lungawiter lotu leilung pumsa duhnak pawl kha that aw (Kolose 3:5). Cumi cu thihnak thlentertu natnak kan do ding daan a si.

 

Sual ngaidamnak hrangah,

Khrih ih runnak laksawng na cohlang zo maw?

Na sualnak hrangah a thi ih a tho saal zo,

Amah zumtu hmuahhmuah sual ngaidamnak a pek (Rom 10:9).

 

Sualnak cu Khrih lawng ih damter theimi lungnatnak a si.

(Visited 24 times, 1 visits today)

Comments

comments

Comments

%d bloggers like this: