THIHNAK NEH

October 16
Tlawngkai Ninga

THIHNAK NEH

Siar:
1 Thesalon 4:15-18

Sikhalsehla kan Bawipa Jesuh Khrih thawngin nehnak in petu Pathian cu
thangtthat si ko seh. -1 Korin 15:57

KUMKHAT SUNG BAIBAL:
– Isaiah 47-49
– 1 Thesalon 4

Khristian zumnak cu kan nitin nun ah danglamnak nei ding a si. Asinan
thuthangttha kan zumnak tahnak cu thihnak kan ton caan ah a si. A
thizo mi Khrih zumtu hngilh lonak khawm kan tuah tikah a zumnak a
hngetkhoh zia thangtthat dingah kan ra ih a zumnak in amah a theitu
pawl nun ah thluasuah a pe. An ttongmi le thusimmi pawl in mi ttha
menmen pakhat thi hnakin Pathian sunlawinak a langter (1Kor.
15:54-57).

Charles Bradlaugh timi Pathian zum lo, mi thu el hrangzet le mi
phunciarzet pa vuinak thawn cun a taan aw ngaingai. Cangantu Arthur
Porritt in a sim daan ah, “A thlaan ah thlacamnak a um lo. Thlahnak,
vuinak thusim ttongkam pakhat hman a um lo. A ruang cu kuang zaangte
sungah an ret ih leikhur sungah an vun ret ih zamrangzet in thusim le
hlasak, thlacam program um loin phum men a si. Cumi ihsin ka hmuh
suakmi cu zumnak daithlannak cun kan thih hnu tiangah nasazet in hna a
ttuan” timi hi a si.

Asinan zumtu cun kan thih hnu ah kan Bawipa thawn kan tong aw ding ti
kan zum, taksa thawhsaalnak khal a um ding ti kan zum (1Kor. 15:42-55;
1 Thes. 4:15-18). Thihnak cu neh a si dingmi parah na lung a awi maw?

Leitlun hmunkip ihsin le tipithuanthum hlatnak ihsin,
Lungvar sangka umnak ihsin mi tampi siar cawk lo in;
Pa le Fapa le Thlarau Thianghlim thangtthat hla an sak,
Halelujah ! Halelujah!

Khrih a nun ruangah kannih khal kan nung saal ding.

(Visited 26 times, 1 visits today)

Comments

comments

Comments

%d bloggers like this: