Thianhlimnak Famkim

October 31

Nipi Ni

Thianhlimnak Famkim

Siar:

Hebru 10:1-18

Ziangahtile cawcang thiisen le me thiisen in sualnak cu a tlengh fai thei ngaingai lo. Hebru 10:4

Kumkhat Sung Baibal:

–   Jeremiah 22-23

–   Titas 1

Happy birthday to me. Happy birthday to me. Happy birthday to me-ee. Happy birthday to me… Happy bir…ti’n suah ni lungawinak hla veihnihnak ka sak ttheh in a ong awmi tidai tap cu ka phit. Kut kholh lai ih himi hla vei hnih nolh ih sak cu (second 20 lai a rei) bacteria timi natnak pangang pawl kholhfainak ah a tthazet an ti. Asinan a cemfai thei lo. Atu le atu kut a ttul ringring thotho.

Thukam Hlun sungah Pathian ih minung pawl cun an sual khuhnak dingah atu le tu raithawinak an tuah leuhleuh. Sikhalsehla rannung thiisen cun sualnak a tlengfai thei ngaingai lo (Heb.10:11). A sunglawimi Jesuh thiisen ih raithawinak lawngin sualnak cu a tlengh fai thei.

Rannung thiisen ih sual raithawinak tuah cu a ttul nawn lo. Ziangahtile Khrih thiisen ih raithawinak in:

kumkhua hrangah veikhat a tawk – rannung thiisen ih raithawinak vekin atu le atu kumtinte tuah ringring a ttul nawn lo (cc. 1-3, 10).

kan sualnak le mawhnak hmuahhmuah famkim in a kholh fai zo – rannung thiisen cun sualnak cu a tlengh fai thei ngaingai lo, sual man cawhkuan tuar dingmi in theihtertu men a si (cc. 3-6, 11).

“Jesuh Khrih ih kumkhua daih veikhat raithawinak cu a famkim ih an sualnak ihsin a tlengfaimi pawl cu kumkhua mithiang famkim ah a tuah zo a si” (c.14). Jesuh Khrih thawng lawngin mithiang famkim kan si thei.   – Cindy Hess Kasper

Kumkhua daih veikhat, cohlang aw misual in,

Kumkhua daih veikhat, zum aw u le nau;

Thinglamtah kai hnget aw, na phurrit a hlo ding,

Jesuh in kumkhua daih in ruun zo. -Bliss

Jesuh ih thianternak huham cun

a baalbikmi sualnak khal  a thiangfaiter thei.

Comments

comments

Comments

%d bloggers like this: