Thialand Ram Buai Nak Reh Lam A Pan Thei Lo

Theihcia zo vekin Thailand ram Prime Minister, Abihisit Vejjajiva bangih an rampi hrilawk nak neih that sal dingih nawrtu Opposition  Red Shirt pawlin  zarh 7 sung an duhlo nak lang terih an nuar ih Bangkok khawpi sungih buainak suak ruangah minung 27 an thizo ih, midang 1,000 lenglo in hriamhma an tuar zo nan tuisun tiangah hi an buainak hin zia umlam a pan thei  cuang hrihlo.

Surbungtlang Thuthang siar bet..

Cozah lamin ralkap leh Pilik hmangih a hro ruangah rehlam leh daihlam a pan deuh dinghmang tiih ruah laiah Red Shirt pawlhin Thailand ram hmun dangdang ihsin Bangkok khawpi sungih Red Shirt pawl bawm dingin an pan rero lai.  Red Shirt hruaitu pakhat Weng Tojirakarn cun  an Prime Minister, Abihisit Vejjajiva a ban ih Thailand rampi hrilawk nak tuah thatsal a si lo ah cun an nuarnak hi bansan an tumlo thu a sim.

Himi laiah ram dangdang hruaitu pawl leh UN cun Thailand ram Cozah cu a ramsung buainak cingfel dingin an nawr nasa ih, Red Shirt pawlih nuarnak ruangah an ramsung mipi vangtlang nitin nun nak leh khawsak nak tiangin an buaiphah thluhthlangih  an sumpai lakluh nakbik mikhual lutsuak an mal vivo ruangah  hi Red Shirt pawlih nuarnak rangah Dollar Million 233 lenglo an sungzo.

(Visited 34 times, 1 visits today)

Comments

comments

Comments

%d bloggers like this: