Thet Mon in A Tlangvalpai’ Thuhla A Simfiang

1483250_622930967764191_556611554_nZuknung le video lemcanthiam Academy laksawng ngahtu Thet Mon Myint cun a tlangvalpa Ko Sit Naing ih thuhla simfiang in, 2014 kum sung ih neihawk an tum thu a sim.

Neihawk An Timtuah Rero

“Pasal ka neih ding thuhla hi mipi theihter cu ka duh hrih lo. Asinan mi pakhat in a dang in, midang in phun dang lala in in rel rero mi cu ka duh lo. Ka ruahdan cun ziangkim felfaitei’ kan tawlrel hnu lawng ah mipi hnenih theihter ka tum mi a si. Cun, mipi in in ngaisual khal ka phang. Curuangah neihawk ding kan timtuah rero ti thu mipi hnenah ka sim duh. Keimah rori in ka sim ruangah mipi in an thei timi si thei sehla ka duh,” tiah a sim.

Duhdawtnak thawn Innsang Pakhat Din

“A thupibik cu duhdawtnak a si ko. Mah in duhdawt lo cun innsang pakhat dinsuah a theih lo tiah ka ruat. Ziangahtile midang pakhat theihthiamsak ding, ngaidam thei ding timi cu mah in kan duhdawt ve lawng ah a cang thei mi a si. Zumngamawknak, zawiawitheinak tivek khal kan duhdawt lawng ah kan theihthiampi thei ding tiah ka zum. Nunau pakhat kan si ruangah kan hril mi mipa cu innsang pakhat hoha theitu a si khal a ttul tiah ka ruat. Ka duhdawt hnu in cumipawl ka ruat ih ka hril.”

Ngaizawngawk Caan

Kan duhawknak kum 2 a kim zo. Ka vanttha kan ti pei. In duhdawt taktak tu a si. In theithiam. In zawiawi thei. Kan kum khal a thlau aw lemlo. Asinan a khawruahdan a pitling. Kei hnakin a ruat thuk thei. Mipa pakhat dinhmun in thiamtlinnak khal a nei. Keimah khal naunu pakhat dinhmun vekin in dimdawih. Rualpi pakhat vekih kom khal a theih. Thuron khal a theih. Ziangkhalsisehla ka vanttha kan ti mai ding. A ngaingai ahcun a thik a se zet nan.

Asinan zuknung lemcangtu ka si tikah a thinlung zate’n a tthumh thluh. In theihthiampi. In ngaihlu. Cun, kan pahnih in kan khawruahdan a naivai aw. Nun kan paltlangh duhdan khal a bangawk ruangah kan kopawk tikah thin a nuam. Tleirawl kan si nawn lo tikah duhdawtnak cu a ra hmaisa ko. Kan duhdawtawk hnu ah ka kop thei ngai pei maw timi thluak ih ruahnak a ra. In theihthiampi thei ruangah kopaw ding in thutluknak ka tuah thei. Kan neihawk hnu khal ah ka paih mi thiamzung (art) hnattuan hi ziangtik tiang khal ttuan in siang ko. Asinan ka ttuan paih nawn lo ahcun keimai’ thu a si. Anih cun khatlam ih duhmi kham duhnak thinlung a nei lo. Ziang na tuah duh, na tuah duh mi ka lo silhkhahsak ding timi thinlung lawng a nei.

Neihawknak Puai

2014 kum sungih neihawk cu kan tum. Asinan a nai thlang tikah timtuah ding a tam zet. A nai ngaingai ahcun mipipawl ka theihter ko ding. Kan timtuah mi a remcan ahcun 2014 ah a cangsuak ko ding.

Thinnomnak Ummi Nun Dinsuah Duh

Ruangrai lam ahcun nan kaih aw ko in ti hai. A thupibik cu lungput a si. Taksalam in remcang khal sehla thinlungput a milawk lo cun a cang thei lo. Thin a nuam lo mi cu ka tuah paih lo. Ziangahtile thiamzungmi (artist) kan si tikah kan tuar ol. Kan hnattuan ahhin thinlung le taksa kan cau thei tuk. Curuangah thin a hahdam mi nun dinsuah ih thin hahdam tei’ um thlang ka duh.

Hrilmi Pasal Hual

Anih cu inn design suaitu architect, inn saktu engineer pakhat a si. Inn kan sak tum ttum ah amai’ hnenih inn design va ap phah in kan tonawk mi a si. A tir ahcun kan nel aw zet. A phi ka pek ding ttum khal ah reipi ka ruat tuk lo. Propose in tuah tikah, kei khal in ka hmuh vete’n ka ngaihven deuh cia mi a rak si thawn. Kan pahnih in mai’ ke par ah ding in hringnun dinsuaktu veve kan si tikah pakhat le pakhat parah theihthiamawknak kan nei zet.

Ref: Popular Myanmar News

Comments

comments

Comments

%d bloggers like this: