Thermostat maw Thermometer

July 27
Tlawngkai Ninga

Thermostat maw Thermometer?

Bible Siar Ding: Thufim 1:10-19

Ka fapa, cuvek mi pawl hnenah feh aw hlah, an lamzin kha va hrial aw.
– Thufim 1:15

Nang hi Thermostat (Apuching-hngih-kariza) vek maw Thermometer (Apuching-taing-kariza) vek deuh na si?

Thermostat cu amahte in a saa le a a dai (temperature) tam le kiamtertu thil a si ih Thermometer cu (temperature) a dai le a dai, a saa le a saa ve ih kiangkap ih thil umtu daan vekin a thlengh aw dualdo ve.

Mipi thawn kan um tlang tikah minung thermometer vekin kan cangvai, midang pawl ih nunzia dinhmun vekin kan thlun ve. Yahweh Tsidkenu lungawiter duhnak thinlung hnakin mi pawl ih upat le cosaanmi si duhhiarnak thinlung thawn kan khat sawn. Asinan thu kan sim le kan rel tik ahcun picangzet le mipi upatzet vekin kan sim kan phuang ih mipi pawl ih thinlung kan neh in an nunzia tla kan khaisang, thermometer vek si loin thermostat vekin kan cangvai ttheu.

Jesuh in leitlun ih a hnattuannak thuanthu tluan ah, Pathian ih duhmi dingfelnak kha a raalsan zawngih nung hrimhrim lo dingin a dungthluntu pawl le a thusimmi ngaitu mipi pawl kha a sawmngiar (challenge) ringring. Tipil petu Johan tla himi vek nuncan ah zohtthim ding tlak mipipa pakhat tling ve, ziangahtile Herod kha mi ih nupi a lon thu ah raaltthazet in a kawk ngam ruangah (Mark 6:17-18).

Yahweh Tsidkenu Pathian nung neitu kan si ahcun khui vek hmun ih kan um tik khalah le zo bangtuk minung pawl thawn kan um tlang a va si hmanah Pathian ih dingfelnak cu kan nunnak ah nitin in a langter hrimhrim ding a si.

Yahweh Tsidkenu, Nangmai’ dingfelnak vek neih ka duh.
Thermometer vek si loin thermostat vek si dingin in bawm aw.

Ziangtik caan ah a palh a si ti thei na cingin mipi pawl thawn ka feh tlang?
Dingfelnak hrang lawngah ding hnget thei dingin ziangti’n ka timtuah ding?

@ Ava Pennington

(Visited 34 times, 1 visits today)

Comments

comments

Comments

%d bloggers like this: