THEIPI THUTHUP

THEIPI THUTHUP
Stephen Tha Nei Fai
Evangelist

Kan Bible Cathianghlim sungah Theipi
thu a sim hnuaihni. Thlarau lam daanin kan zir tlang hnik pei.

(1). A hnah
Theihnah cu Evi le Adam in an hnipuan hrangah an hmang ( Seem.
3: 7 ). A sinan Pathian in a pom sak lo ih Savun hnipuan in a thleng
sak ( Seem. 3:21). Theihhnah cun minung tuahnak a hmuh sak. Evi le
Adam in theihhnah cu an hnipuan ah an tuahih an hru nan an ningzahnak
a reh cuang lo. Esau in sakhi a kapih a sa a suan theh hnu ah a pa,
Isak a pe nan a pa in a ei sak cuang lo ih thlawsuah khal a rak pe lo.
Minung ih tuahnak hi rundam ngahnak le hnangamnak a si cuang lo.
Nimrod ih ho in Babel lung an dawl nan an hlawh tling lo. Jesui theh
cia mi parih thum aw pawlin rundamnak an co ngah a si.

( 2 ) A kung
Zakia in theikung ah kai in Jesuh a hmuak. A sinan Jesuh in
theipi parin rung tum aw a ti. Theikung cun sakhuanak a tar lang.
Sakhuanak ah hnangamnak a um lo ih Jesuh hnen lawng ah a um.

( 3) A rah
Siangpahrang Hezakiah in a khuaihli hma damnak dingah theihrah
rialdip a hmang ( Isai. 38:21).Theirah cun minung thatnak a tar lang.
Minung thatnak hi minung lala hrangah cun damnak a si theu nan thlarau
hrangah cun ziang hman lo men a si.Jesuh an vuaknak vual lawng hi kan
damnak a si.

( 4 ) A daihneem
Nathanail cu thei daihneem ih a um lai ah Jesuh in a ko ( Jn.
1:48 ) ih a mai taangdai sungah a hruai.

Theihneh, Theirah, Theikung le Thei daihneem cu minung in kan sor
zetin Jesuh cun a zaten a cam that theh ( Marka 11:12-14 ).
Tluksiatnak ruangih selinglettheh zomi milai cu Pathian in Cross ah a
khenbetih a fapa nun in in thuam saal…Halelujah.

A siartu zaten Pathian in thlawsuah thar lo pe cio hram seh….

Comments

comments

Comments

%d bloggers like this: