Thein Sein Le Suu Kyi US Fehtum Ziang A Bang Pei?

Kawlram President Thein Sein le dokalhtu party hotu Suu Kyi cu U.S ah an tlawng ding. Hi an tlawng dingmi hi Kan ram hrangih thupi zet thlengawknak a um theinak ding hrangih poimawh a si ticu an pahnih in an thei. Suu Kyi tlacun tui ttum an tlawnnakah Congression Medal lawman 2008 ih an rak pekcia mi khal laknak a nei ding.

U.S hotu pawl thawn tonawknak an nei dingih rampi thlengawknak an tuahmi pawl simnak le an tumtahmi pawl pholannak pawl khalcu an nei ding. U.S in kan ram pi thlengawknak a tuahmi pawl parah a lungkim mi tampi a neih ruangah VIS Inc. MasterCard Inc. Coca-Cola pawl tla kan ramsungah a cet zungpi ong dingin siannak a pe.

Tui ttum ih an tonawknak dingah Thein Sein in U.S hotu lubik Obama ton a duhthu a sim nan a tawngngah dingmaw ngah lo ding cu theih a si  hrihlo. U.S congress rorel inn pi ihsin kan ramsungih khamnak a tuahmi le rikhiahneiih siannak a pek mi pawl a hlon vivo zo ih tui tum an tlawnnak ihsin kan ram sungih an ram thiltuah mi pawl zuar luh ding ih khamnak a tuah mi a hlit ding le dinglo cu theih a si lo. Kawlram ih U.S. Ambassador Derek Mitchell cun ‘U.S in Kawlram tlun ih thleng awknak a tuahmi hi a cemnak a sihrihlo’ tiin a sim. A sinan ziangvek pawl a tuahsak bet vivo dingih ziangtik tiang timi cu a rel tello.

Zingzoitu pawl ih an ruahhar deuhmi pakhat cu U.S rampi hotu lu pawl thawi an tonawk hlan Sept 19 ah Thein Sein cun China hotu pawl thawn tonawknak an neih ding ih Sept 25 ah U.S a feh ding miah thildang fehsual ding cu an phang in an ruah har zetmi a si.

Suu Kyi cun tuizarhpisun ah kan ram in a zuang ding.Thein Sein in Obama a tawngngah theipei  maw tiih a fiang lo laiah NLD party hotu Suu Kyi cu Obama le a zungsang tuan pawl in an rak hmuak ding tiin thu dawn a si.

(Visited 123 times, 1 visits today)

Comments

comments

Comments

%d bloggers like this: