Theihter Saalnak

March 10

Tlawngkai Nithum

Theihter  Saalnak

Siar:

2 Peter 1:5-15

Hih thuhla pawl hi nan theih ciami le thutak nan theihmi sungah hngetkhohzet ih a ding ciami nan si ko nain ka lo theihter saal ringring ding.   -2 Peter 1:12

Kumkhat Sung Baibal:

–     Daanpeksaalnak 11-13

–     Marka 12:1-27

Jill Price ih thu hminsin thei daan cu Scientist pawl a lauter rori. 2006 kum ah Scientific Journal sungah thu a hminsin thei daan a ngan ih, “Mahte thu hminsinmi maksak,” a ti. Price cu cafang, number, thil thupi pawl le miphun dang ttong pawl a hminsin, ahleice ih zoh lo ngah ding a paih lo na’n a thei thotho. Kan dung kum 30 sungih a hmuhtonmi hmuahhmuah a sim thei ttheh. Ziangtluk ni le thla khal an hun sut tikah Price cun cuih ni cu ziang ni a si, cuih ni ih nikhua um daan, thawhhlam ah ziang a ei, TV ah ziang a hmu, zo thawn cumi ni ah an biak aw tivek pawl tiang ttha te’n a sim thei ttheh.

Cuvek ih thu hminsin theitu khal kan um ding. Curuangah kan tuah dingmi pelh lo te’n tuah suak dingah simtu kan ttul. Ahleice in thlaraulam ah pitling si dingin simtu kan ttul. Peter in cuvek kan ttulzia a thei ih a ngan. Hih thuhla pawl hi nan theih ciami a si ko nain ka lo theihter saal ringring ding. Khrih in fiangzet ih i theihter zo vekin ka thih hnu khal ih nan run ciinken ringring dingah ka ti thei tawkin ka zuam ding (2Peter 1:12-15).

Thu hminsin theinak ziangvek kan nei a si hmanah Bible thudik cu theihter saal cingcing kan ttul ringring. Nitin Bible siar ringringnak, a bur ih thuzirnak, kawhhran hnattuannak le cangvaihnak ih telnak in Pathian thutak tamsin theih theinak dingah mi a bawm.

Pathian Thu theihnak,

A mah te in a ra lo;

Thinlung tlamtlinter dingin theihter kan ttul,

Pathian ih siter in duhmi.

Pathian Thu in na theihnak lo luahkhat seh,

na thinlung lo uk sehla na lam lo hruai seh.

(Visited 28 times, 1 visits today)

Comments

comments

Comments

%d bloggers like this: