Theihter Aw

October 15

Tlawngkai Ninga

Theihter Aw

Siar:

2 Timote 2:1-5

Sikhalsehla Pathian in ziangtluk in so in duhdawt ti cu a langter: misual kan si hrih cingin kan hrangah Khrih cu a thi! Rom 5:8

Kumkhat Sung Baibal:

–   Isaiah 45-46

1 Thess. 3

I tuamhlawm rerotu Pathian zum lo ka siibawi pa hnenah, “Pathian ih in sersiam cu lungawi ding a si” tiah ka sim. A kut ih tthimte ka hmuh tikah daite’n ka rak umta lo ti’n ka ruat. “Minung hi nuam tete in thlengh aw vingvo in kan ra cang (evolutioin), ti’n kan zum asile khuitawk cekci ah tthimte ka dawt ding ti na thei lo ding,” ka ti bet. “Pathian na zum ngaingai maw?” tiah i sut ih, “Ka zum, mangbangza ih sersiammi ka si lo maw?” tiah ka let. Siibawi pa hnenah tettikhannak caan ttha ka neih ruangah ka lung a awizet.

Tuni ih Bible kan siarmi ah Paul in Timote kha midang pawl Rundamtu khihhmuh dingah a fial. “Pathian Thu sim aw,” (2 Tim. 4:2) ti cu Pastor le Thuthangttha simtu pawl hnen lawngih fialmi a si lo. “Sim (Preach)” timi ttongfang cu, “Theihter aw” tinak a si. Zumtu pawl cu coffee in phah ah siseh, tlawnginn ih rualpi pawl hnenah siseh thuthangttha sim thei kan si. Pathian ih in tuah sakmi thuthangttha cu khui hmun khalah, ziangtik caan khalah le thinlung sangka a ong ih a thei duhtu mikip hnenah kan theihter thei a si. Pathian in in duhdawt, kan tuarnak, kan ttonttaihnak le kan santlaih lonak pawl a thei a si timi kan theihter thei. Khrih Jesuh ih thihnak le thawhsaalnak in sualnak huham ih in ttemttawnnak cu Pathian in a catter zo. Rundamtu hrangah thinlung sangka a ongtu mikip hnenah Amah cu a um thei a si.

Pathian in kan hrangah ziang in tuahsak timi thuthangttha hi midang theihter dingah ttih hlah uhsi!   – Albert Lee

Nangmah theihnak ih lungawitu kannih,

Na hmai ah mithiang in siter aw;

Kan lo baakmi thukamnak,

Feh in Na Thuthangttha sim ding. – Houghton

Thuthangttha midang va hlawm timi cu

mi pakhatkhat hnenah thuthangttha sim hi a si.

(Visited 19 times, 1 visits today)

Comments

comments

Comments

%d bloggers like this: