Theihnak parih Hrambunmi Zumnak

January 11
Tlawngkai Nithum

Theihnak parih Hrambunmi Zumnak

Jesuh in, “Pathian in ttuan hngaiseh ti a lo duhsakmi cu a thlah mipa zum kha a si,” tiah a ti.
– John 6:29

Bible Siar Ding: Luke 9:1-11

Mi pakhat, kum li sung thilrim zianghman a thei thei nawn lomi ih thuhla ka vun mang saal. Hit’n ka sim, “Jesuh Khrih na zum ahcun atu rori ah na hnar in thilrim na thei thei saal ding.” Thlacamnak ka neih hnu ah cu nu cu ziangtinkim ih rim a theih thei saal ruangah a thin a lau nasa. A thaisun ahcun lungawithu sim in tetti a khan.

A dang leh mi pakhat ka hnenah ra in hiti’n thu i ra sut, “Pathian in ka hnaset ziang-hman thu thei thei nawn lo, a hnazang ttha nawn lomi hi a damter thei pei maw?” ti’n.
“Pathian zum awla na natnak cu tidam in a um ding,” ka ti. Mipi lakah thinharzet in a vung feh, midang pawl cu damter an si, asinan anih cu zianghman a thei thei cuang lo. A thaizaan cu a rak ra saal lala. “Tuihzaan cu ka zum thlang ding,” a ti. Pathian sunlawinak a parah a thleng. A veikhatnak ah a thinlung a phur, a veihnihnak ah zumtu ah a cang.

Hmun pakhat ah, pumnaa besiazet siiti an hnih reromi pa ka tong ih thla ka cam sak. A thaizaan ah kan khawmnak mipi hmai ah a ra ih, “Himi pa hi mibum duh ruangah midang pakhat cang awtermi pa a si. Mipi pawl a bum rero. Mizaan ah na dam zo in ti; kei le nidang hnakin ka nat a roh deuhdeuh” ti’n a sim ciamco. Cumi pa a ttemttawntu khawsia cu Jesuh hmin in napi’n ka kawk. Cumi pa hnenah, “Na dam fel zo” ti’n ka sim. Amah cu lungto in innsaktu a si. A thaisun ah, thilritzet phur ih a um rerolai ah Pathian thawn an tong aw ih, “Hremnak a tuarmi cu kan damnak a si…Bawipa in cawhkuannak cu a parah a thlenter, kan tuar dingmi kan sualman cawhkuannak cu! (Isaiah 53:5, 6). Himi pa in dokalhmi cu Pathian Ttongkam a si, keimah a si lo.

“Pathian in ttuan hngai seh ti in duhsakmi tuah dingah ziangso ka tuah ding?” tiah an sut. Jesuh in, “Pathian in ttuan hngai seh ti a lo duhsakmi cu a thlahmi pa zum kha a si,” tiah a ti (John 6:28-29). A si, Amah in kan sualnak a phur ih kan natmak zate a damter. Keimah hrimhrim in mangbangza tidamnak ka co. Pathian sunloih ding ka tlolh asile lungte pawl an au ding. Rundamnak cu mi zapi hrangah a si. Tidamnak cu mi hmuahhmuah hrangah a si. Thlarau Thianghlim thawn baptism cu mi zapi hrang a si.

Sualnak sungih mithi na sin, asinan Pathian sungah nunter mi na sinak thu nangmah te’n ruat hnik (Rom 6:11). A zaangfahnak ruangah ziangtiklai caan khal ah nehnak cotu na si. Nun thianghlim ih nung theitu Pathian ih kilhimmi fahniang na si.

Thlarau Thianghlim in a dikmi hmun le caan ih kan um theinak dingah ruang in zing sak zo.

@ Smith Wigglesworth

(Visited 23 times, 1 visits today)

Comments

comments

Comments

%d bloggers like this: