Theihkaunak- “O” Thi

Facts of Falam ngantu Francis Lal Uk ih theihkaunak nganmi hi rak siar cio uh.

Tuit’um cu Theikaunak danglam deuh kan hlawm aw ke….

Thi phun (Blood types) pawl le a neitu pawlih umdaan/ ziaza pawl:

“O” thi

# An harhdamnak a t’ha tlangpi.

# Ei le in thu ah an thu a tam thei, an duk a sia..a kiangkap thawn a bangraan thei lo.

# Mahle mah rinsanawknak, khuakhannak, tuaht’uan ngamnak le tuar theinak pawl an nei t’ha.

# Anmah le mah man an nei aw ter zet.(thupi zetah an ruat aw)

# Thabang an tuar thei ih an thahrum khal a t’ha.

# Protein telmi rawl an duh zet.

# Taksa cangvaih lehnak lam an paih zet.

# Hruaitu/ hotu an si thei zet.

# A t’hazawngih thil hmuh thiamnak an neihmi hi an thilneih t’hat hleicemi a si ve.

An umtlang daan le an mizia dang pawl:

#”O” thi nei pawl hi, inn sungsang ahcun thubuai an tuah thei zet nan rualpi le midang lak ahcun mi’h duhzawng ih um tlan an thiam.

# Rualpi an ngaina zetih a burih cangvaihnak ah an tha a tho thei zet.

# Hnat’uan daan an thiam lawng silo in mi law an si tlangpi ruangah an hnat’uannak ah mithmait’ha an co t’heu.

# An tumtahmi hrangah taimak zetih hna an t’uan t’heunan, an tumtahmi a hlo pang a sile beidong lohli an hmang zet.

# Hna pakhat an t’uan ding tikah plan t’ha ten tuah ciamciam hnu ih hnat’uan an hmang.

# Mai’ style te ih um pawl an si ih mahte thuruahsuak thiamnak an neih t’hatzet ruangah Art lamah an hlawhtling thei zet.

# An weakness pakhat cu mai’ ruahnak lawng a t’habik ih theihnak hi a si. Curuangah mi’h duhdaan le ruahnak an theihpi thiamlo t’heu.

# An paihzawng hnakin an tumtahnak lam hoi ih hmainor an hmang. (an paih/huam zawng le an tumtahmi a dang dang thei zet)

# Romantic zetih um an duh phah t’heu.

# An hrangih thupi ih an ruahmi parah tang an dor theizet nan reipi cu tang an dor thei lo t’heu.

# Hlumneem zetih mibiak le pawlkom an thiamih anmah hnakih sinak niam khal t’haten an pawlkom thei.

# Mi zuam duhnak an neihtuk mi hin a hleifuan in an thin a har ter t’heu.

# Vei hnihkhat caanah mahte lawng um an duh t’heu ih, hmun dai le thianghlim an uar.

# Midang pakhat khat thawn thinnomlonak an neih tikah fiangtakih mi sim an hmang zet.

# Mawhnak fate an neih tikah an mai’ mawhnak silo vekih um an hmang zet.

# A liamzo mi parah sirawknak an nei mal zet t’heu.

# A hmailam caan hrangah sumpai khawl le timtuahcia nak an nei t’heu.

# Fiangtuk ih t’ong le an thinlung sung um mi t’ongsuak an hman tamtuk t’heu ruangah mi’h huat an tuar thei zet ve.

# Ziang an tuah khalah hotu si an duh t’heu ih thil tenau an ngaihsak tawklo t’heu khalhi an weakness pakhat a si ve.

*Ziangtin “O” thi nei pawl a dik maw????
“A” “B” le “AB” thi nei pawlih ziaza le umdaan kan peh leh ding.

(Visited 304 times, 1 visits today)

Comments

comments

6 Comments

  1. a dik ..a dik ..kei hi o thi nei mi ka si ..a dik law law…

    a dik chiah ani e..kei hi o thi sen ka ni a i sawi dik vek e….

  2. a dik tuk ee lungawi um tuk…………tulo le A B AB pawl run post leh uh lah midang tla kanzoh ve leh kei

  3. O le Aw thu lawnglawng siar ka ning! tiah next page ka hmet zik zawngah “Thi” timi ka hmu ih thisenlampang a si thu ka thei ngah fang. Online reipi to duhlo pawl ka si ve ih casiar ka ze ngaingai, pheh lo ten.

    Asinan, O thi hi cu ka uar ve hrimhrim ziangahtile keimah hi thisen group theilo ka si ruangah O thisen neipawl ih thuhla ka thei duh zet. Tawkfang nawn cu ka thei.

    Cun, kan Chin mi pawl tla hin thisen hlu lampang uar thei sehla a lungawi um zet ding.

  4. Mal ten ka rah rel ve ke, Kei thisen hi B ka si ih, Tui na rawn tarlan mi ah ka rak zo awk tikah Ka um dan leh kei mah leh kei mah ka si nak vek a tam ve na sa in ka thei aw. Hnatun lam ka tuan mi ih zirin ka rem ruat thiam ve pha. mah lawng te sikan nei lo ka hua.

  5. post tha nasa lungawi um /////kei tla “O” thi nei mi ka si
    tu na rel mi 100% ah 90% cu a dik in ka hmu si nan
    fala lam ah teh ziang tin an um ti tla ngan se la duh um nasa
    Ka lungawi.

  6. Francis,
    Na cangan siar a nuam,
    A tamsawn cu dik,sinan a dik thluh lo,
    “O” thi ka si ve.

    Francis
    “O” thi neitu ka si ve,
    A tamsawn cu a dik,nan a dik thluh lo
    Na ngan tha na sa.

Comments

%d bloggers like this: