Theih Tlak Na Ti Maw?

Auto_Accident

Caleb L Ci Luai

1. Motor accident nak ruang ih reizet sizung totu, Scotland mi Mclenna cu kum 12 sung rori sick leave a lak hnu ah, 2007 ah khan a hna kelte ah a va lut sal. Sick leave la rei zet cu a si ve ding.

2. 1931 ah khan, China ram, Manchuria mi Weng ih tukkhum ah, ramsa ih an neihmi vek ki mak danglam tak in a ra um. Cui ki cu ft 1.1 tluk asau.

3. Romania ram ih police pawl hi fim ve zet cu an asi. Hmun thenkhat, anmah an feh manlonak hmun ah motor caktuk ih mawng anum theu ruangah ti in ralrinnak an tuah. Cumi cu, caku khawng pawl thawn police motor lem an tuah ih, zinkap ah an tar. Cumi an tarnak kiangkapa ahcun motor cak tuk in zohman an mawng ngamlo. Rem an thei nasa.

4. Hliam nazaet tuar in Romania pitar Elena Albu cu doctor pawl in an zoh tik ah a thizo ti in an puang. Cumi cu thuthang ih suah ding ah thuthang latu cun a camera thawn thlalak a tum. A camera a hmet zawng ah pitar nu cun a mit a hun meng ih, “ Ka lu cu a van a ve “ a hun ti e…..

5. England ram, Coventry ih um pacang Derek Arch hi hnatuan ah rinum zet ih taunt asi. Kum 81 a ti zo ih, kum 11 a ti ihsin cawhnawi zuar a thok. Nitin km 13 vel a vak kual ringring ih, nikhat ah inn 400 tluk ah cawhnawi a zuar.

6. England ram Dorset ih um Andrew le Harriet te cun, zingpit ih exercise an laknak ah an tongaw ih, hiti ih exercise an lak ah hin ui an hruai veve ringring. Cutin an duhaw ih an nei aw. Anneihawknak ah, an tonawk hramthok ih an hruaimi an ui veve cu morual ah an hmang veve…mak….

7. Australia police pawl cun, Gunbanlanya khua ih Tisartam rung luttheu, ft 61.2 ih sau cu an kai ih, milai thawng an thlak vek in ni 3 sung thawng ah an thlak ve…………

8. England ram, Converty ih um nupa Paul le Val Houskin te cun, 1959 kum ih an leimi vur bawm ( fridge ) cu kum 50 kim an hmannak ah ti in an innhnen, sungkhat le rualpi pawl sawm in an rak lawm dah. Kum 50 hnu khal ah hman a theih ringring lai…

(Mizo Special Group ta lutlo pawl hrangah ti i h lehmi asi, Original cu: Special Report timi Mizo facebook ah a um).

Comments

comments

Comments

%d bloggers like this: