THEIH DING TAMPI

 

January 5

Tlawngkai Nikhat

 

Theih Ding Tampi

 

Siar:

Thufim 10:11-21

 

Mifim na si ahcun na ttong suup aw.   – Thufim 10:19

 

Kumkhat sung Baibal:

          Seemtirnak 13-15

          Matthai 5:1-26

 

Carek zungih hnattuantu pa in ka hmai ih a dingtu hnenah, “Tampi ka lungawi” a ti. Carek cazi Jon cun a tlarte’n kan dinnak hmun ah i rak hmu ih a ttongmi cu ka thei ding a zum. Ka caan a thlen tikah, “Jon na dam maw?” ti’n ka biak. Amah cu 1980 hrawngih phunsaang tlawng a kailai ah ka tlawngta a si dah.

 

“Na hmai ih a dingtu hnen ih ka ttongmi kha na thei maw? Tampi ka lung a awi ka ti kha” tiah Jon cun i sut. I suh duhmi thei ngah lo ka bangih i simfiang. “In zirhmi thu kha na ciinglai maw? a lot timi cu hmunram pakhat tinak a si, a tampi tinak si loin, ti kha” a ti.

 

Mangbangza a si! Kum 25 lai ih Mirangca ka zirhmi cu Jon in a ciinglai ringring. Mi hnen ih kan ttongmi hi an thupituk. Emily Dickinson ih bezai ka duhzetmi tla i mangter: “Mi hrekkhat in kan ttong ttheh tikah kan ttong a thi cih an ti. Cumi ni hrangih nunglan dingih ka ttongmi sawn a si.”

 

Kan ttongmi thu in pehzom vingvomi a nei. Mi kan soiselnak le awka sia kan ttongmi hi a ngaitu hrangah kum rei a daih. Baibal sungah tla, “Mifim na si ahcun na ttong suup aw” ti a um (Thufim 10:19). Tuisun ih kan ttongmi hi a nung. Mi ttha pa ih ttongkam vek siter ding hngilh hlah uhsi! (c. 20).

 

Ka pa, tuih san ka nunnak in bawm aw,

Ka ttongmi ralring thiam dingin;

Thil dik lomi, thutak le dikzet ih pahtlang dingin,

Dikzet le mawizet ih ttong suak thiam dingah.

 

Lei cu a fatezet nain rem awk lonak, asilole remnak a suahtertu a si.

Comments

comments

Comments

%d bloggers like this: