Theih A Harzetmi Pathian

August 14

Zarhte Ni 

Theih A Harzetmi Pathian  

Siar:

Isaiah 46:8-11 

Keimah lawng Pathian ka si kha thei uh; Keimah bangtuk zohman an um lo.   – Isaiah 46:9  

Kumkhat Sung Baibal:

–   Saam 89-90

–   Rom 14 

Ka nupi le kei hi pakhat le pakhat kan theithiam aw taktak thei lo. Tahtthimnak ah baseball team hnih neh aw thei loin reizet an lekmi ka zoh peh rero theimi hi kan nu hrang ahcun a khuaruahhar a thei thei lomi a si. Kei khal in ka nu ih dawr feh a paih daan hi ka mang a bang ve ko.      

Mi pakhatkhat kan duhdawtzet timi hi an thinlung zate thei ttheh tinak cu a si lo. Ziangahtile kan duhdawtzetmi Pathian ih mangbangza thuthuk zetzet pawl khi kan thei ttheh theinak ding lamzin a um lo.           

Rikhiah neimi kan thutheih theinak le hmuhnak cun Pathian ih tuahmi pawl, ziangruangah a tuah tiin kan tthum sak thei dah lo ding. Asinan mi hrekkhat cun riahsiatza thil thlengmi an zoh ih Pathian hnen ihsin an tlan, anmah ih theih daan le hmuh daan kha Pathian ih fimnak hnakin ttha sawn ah an ruat.           

Pathian hi kan theih theimi si bang sehla, mi nasabik le mithiambik kan timi hnakin nasasawn lo le thei thei losawn in ruat le hmu bang sehla, Pathian ih mangbangza ttihzah tlak a sinak cu khui ah so a um ding? Pathian ih ruahnak cu kan minung ruahnak vekih kan tthum thei lomi hi a maksakbiknak cu a si.           

Paul in thu in sut: Bawipai’ thinlung cu zo in so a thei? Zo in so ruahnak a pe thei ding? (1Korin. 2:16). Zohman in an thei lo ti cu a fiang. Amah cu kan thei thei lo nain kan rinsan thei ruangah Pathian cu thangtthat uh.     – Dave Branon

 

Na lamzin cu, maw Bawipa a saang,

Na thutheih theinak cu a nasatuk;

Curuangah kan nunnak in a theih thei lo caan khalah,

Nangmah lo rinsan dingah thaazang in pe aw.   – Sper

                                                                                                                  

Pathian theih famkim ding cu thil cang thei a si lo;

Amah biak ding cu a ttul rori.

(Visited 15 times, 1 visits today)

Comments

comments

Comments

%d bloggers like this: