The Person Of The Bible

September 1

Tlawngkai Nithum 

Bible Ih Milai (The Person Of The Bible) 

Siar:

John 5:31-40 

Ca Thianghlim nan siar ih nan zir; … Ca Thianghlim sungah kumkhua nunnak ka hmu ding, tiah nan ruah ruangah a si. Hih Ca Thlianghlim cu a zate in keimah ih thu a simtu a si.     – Johan 5:39  

Kumkhat Sung Baibal:

–   Saam. 135-136

–   1 Korin. 12 

Kawhhran hruaitu pawl thuzirnak an neih rerolai ah Pastor hminthangzet a simi Earl Palmer cu kum zabu a hrek sungih Pathian Thu a zirhnak le thuthangttha a simphuannak pawl pianhmang a neihtertu hmuhtonnak pakhat ih thu a vun ruat ttha saal.      

Cumi cu Bible tlawngta a silai ah a Bible zirhnak a ngaitu pawl thazaang a pek hngai ttheumi ttongkam a si: “Ka theih suakmi cu Bible ca siar dingin mi pakhat ka forh thei ahcun rei lote ah maw, nehhnu deuh ah maw Bible cu an upat dingih Bible in Jesuh Khrih a khihhmuh hngai ding. Jesuh Khrih an upat tikah zumnak thawn an hlat aw nawn lo,” tiah a ti.      

Jesuh in Amah dodaltu pawl hnenah, “Ca Thianghlim nan siar ih nan zir; cuti ih nan zirnak cu hih Ca Thianghlim sungah kumkhua nunnak kan hmu ding, tiah nan ruah ruangah a si. Hih Ca Thianghlim cu a zate in Keimai’ thu a simtu a si. Sikhalsehla nunnak ngah dingah Ka hnenah nan ra duh cuang lo,” a ti hngai (Johan 5:39-40).      

Bible siar tikah a ttulmi cu thinlung sangka ong in theih duhnak taktak thluak thawn zirzoi ding hi a si. Bible ih a khihhmuhmi le a langter duhmi taktak cu Jesuh a si kha kan theih ngah tikah Amah zum dingin thu kan tthencat a ttul.      

Jesuh Khrih hrangah thinlung sangka a ong ih A sungah kumkhua nunnak a neitu hmuahhmuah hrangah lungawinak tumpi a um.  – David McCasland 

 Pathian Ttongkam Bible cu thazaang tlungtertu ruah vek a si,

Thlaici le rawlkung pawl ti a toih;

Sangka a ong awmi thinlung ah nunnak thar a run keng,

Kan ttulsammi zate in pek.    – Sper 

Nganmi Ttongkam in a nungmi Ttongkam Jesuh hnenah in hruai.

Comments

comments

Comments

%d bloggers like this: