Thawngtla pawl hrang Prison Seminary tuah

Religion Today

May 20, 2009–Thuam hnawn hruh mi dum le rang parah graduation lukhum le kawr fual (cap and gowns ) hruh in graduation tu ding pawl an to tthep tthep. A tthen cu an sung kua pawl thawn lung tho zet in an biak aw, mi tthen cu mithli thawn an ttap re ro lai ah, a tthen la la cu an hmai lam thu ruat in dai ten an to.

Tui kum sung graduation thawng tampi lakih hmuh ring ring mi a si ko nan, hi graduate tu pawl ih an dang lam hlei ce nak bik cu, an nih hi Parchman, Miss. State ih Messisippi Delta prison asi mi maximum security ih a um tu mithat, nunau sual pi ( rapists ) le drug dealers pawl ih graduation commencement ceremony hi a si.

Parchman ih thawng tla pawl cun New Orleans Baptist Theological Seminary ihsin Bachelor’s degree in Christian Ministry course an theh suak ruangah degree pek an si. Lunginn sungih an mah ra vel tu, ti duh dah tu le rak hmuh suam tu pawl hnenih thu ruah nak pe dingah le zum nak ih hruai kai ding an si ruangah, hi graduate tu pawl hrangah cun ttih a nung ngai ngai.

Angola ih Luoisiana State Penitentiary thawnginn ih kum rei pi warden rak tuan zo tu le tu Parchman graduation ih an speaker pa Burl Cain cun, mi dang pawl ih an tih ngai ngai thu le, an tluk siat ding hngak ih zoh an si ring ring thu a sim. Asinan, Cain cun an zumnak thawn in thawnginn sung nun tu zia za cu thleng thei dingah a bawm bawih thei ding thu ihal a cah bet.

Thawnginn Gospel band, L.I.F.E ( Living in Fellowship everyday with God ) pawl in “Amazing Grace” le “Knocking on Heaven’s Door” hla pawl cu guitar thawn nuam le that ho zet in Pathian an thangthat ih, Parchman graduation cu nazi pa 2 sung zik te caan an hmang tlang khawm  asi.

Hi thawnginn sungah thlengawk nak cang ter tu kan si thei nak dingah, hi thil sual (crimes) tuah ding in pek ruangah kan lungawi” ti’n Thomas C. Smith cun thla a cam.

Ralkap pa khat ( Sheriff’s deputy ) le mi pa khat that ruangih san sung thawng thlak a tuar tu, kan dung kum 20 ihsin Parchman thawng sung rak um zo tu, Jerry Mettetal khal hi graduate pawl lak ah a rak tel ve.  Mettetal hi Simon City Royal Prison gang ih member tel dah khal a si. Mettetal cun “hi mi hi ka hna tuan thar ding a si. Hi hmun ka rah nu, caan reo pi sung ziang hman poi sa nak nei lo in ka rak um. Pathian in mi lai pawl hi a thleng aw thei mi kan si thu in hmuh ter duh ruangah, hi thawng inn sungah hi vek thil a cang ter nak asi” ti thu a sim.

Mithat ruangih kum khua thawng tlak a tuar tu Jamws Wash khal cun, thawnginn gang group ihsin suak nak dingah minung tam pi velh le vuak tuar an tuar thu le, Bachelor’s degree ngah dingah an gang group a suah san lai ahcun thu sut nak lawng a tawng thu a sim.

Parchman le Angola ih thawnginn sung thu zir nak pawl hi sa khua biak nak dang pawl hrang khal ah sang ka ong an si. Parchman ih thawng tla pawl cu Bible research an tuah ih, ziang tin thu thang tha sim ding, ziang tin thu ruah nak pek dan ding ti pawl pawl zirh an si. Graduae zo pawl cu hmun dang thawnginn ah transfer in thawng tla dang pawl hnenih missionaries an va si ding ruahsan an si thu le, Parchman thawng tla pa 2 cu Leakesville ih South Missippi Correctional Facilty ah rawng bawl ding ih tuan vo pek an si zo thu pawl cu Bley in a sim. Hmundang thawnginn ih rawngbawl nak an neih tikah upat ttih zah nak thawn zoh an co thu, an fim thiam zir nak theih pi an si thu le, ziang thu an va sim ti mi an theih fiang thu khal a sim bet.

Hivek in thawnginn sungah Pathian thu zirh nak an neih ih ruangah, Louisiana thawnginn ih thawngtla pawl lak buai nak pawl cu kum khat sungah 500 in 100 an mal vi vo  a si. 1970 kum ioh Angola thawnginn pi sungih kumkhat sungah that awk nak voi 40 um ruangah, Life magazine pawl cun “America ih thisen luan tam bik nak thawnginn” tin an rak ko. Asinan, tu ahcun nun can zia za daan um nak hmun ih a cang zo thu, Cain cun a sim hai. “Bachelor degree ngah zo thuthangtha sim tu thawngtla mi 145 ka nei ih, cui pawl cun ni tin in thawnginn sungah khawm nak le thu sim in an vah re ro lai ah, ziang tin buai nak cu a um thei nawn ding” tin Cain cun a au pi.

Hivekin thawnginn sungih Pathian thu zirhnak a ram um hlan ahcun, thawnginn pawl hin an mah Chaplains asilo le a leng ih ministry pawl hin tei mah suah in thawnginn sungah khawm nak le thuthangtha sim nak an rak nei sak ring ring theu. Asinan, a leng mi pawl cu kar khat ah voi khat te lawng  khawm nak tuah siang an si ih, an mah thawngtla pawl sungin minung tam pi in hivek in nitin rawng bawl nak nei in thuthangtha an au pi thei ruangah hlawh tling nak tam pi  a um.

“Thawnginn an um sung cu an mai khua le ram a si ruangah, an thleng dang lam ter thei a si ti mi hi kan theih ter duh bik mi asi” tin Bley cun graduation thawn peh par in sim nak a nei.

(Visited 46 times, 1 visits today)

Comments

comments

Comments

%d bloggers like this: