Thawnginn Sungih Thinsaunak

September 2

Tlawngkai Nithum

 

Thawnginn Sungih Thinsaunak

 

Siar:

Seemtirnak 40:1-14, 23

 

Tangka duhtuk hlah uh, nan neihmi ah nan lungkim uh. Ziangahtile

Pathian in, “Ka lo tlansan lo dingih ka lo hnong lo ding,” in ti. –Hebru 13:5

 

Kumkhat Sung Baibal:

–   Saam 137-139

–   1Korin 13

 

Midang ih thuhngilh hman ruangah thinsau na ttulzia na thei dah maw? Phunsang tlawng saya pakhat dinhmun in tlawngta pakhat in ca tuah ding ka fialmi a hngilh tikah thinsau ka ttul ringring.

 

Thukam Hlun sungih Joseph thuanthu ah thuhngilh hman ih besiat daan kan hmu. Cuih thuhngilh ruangah ziangtluk in so Joseph cu thinsau dingin a talbuai pei ti thinlung mit in kan hmu thei.

 

Thawnginn sungah Joseph in Izipt siangphahrang ih cabitti petu pa ih mang a let sak ih thawng ihsin a luat thu kan hmu. Joseph in, “Cu tiih na lamzin a tluan ttheh tikah i hngilh hlah awla ka thuhla cu Faro hnenah rak sim hram aw,” (Seemtirnak 40:14) a ti. Hmanseh a hnattuan ding a tamtuk ruangah Joseph vun mang ding cu a hrangah a ol lo. Kum hnih hnu lawngah Faro hnenah Joseph ih thu a sim (Seemtirnak 41:9). Netabik ah Joseph cu a luat.

 

Joseph cu thawnginn sungah ziangtluk thintawi in a luat ding ni le caan hngak in a um pei ti ruat hnik aw (Seemtirnak 41:15), a hrangih luatnak ding caan ttha cu a luan zo ti’n a ruat men ding. Asinan Bawipa in a umpi ti cu a fiang nasa (Seemtirnak 39:21), kannih in umpi vekin (Hebru 13:5). Na thin a tawi tikah a lo umpi ringringtu Pathian parah hngatsan aw. Na thintawinak cu thinsaunak le  rinsannak ah a lo thlengh sak ding.

 

Na donharnak kha thinsaunak ah rem aw,

Na khua a thim tikah zumnak thawn feh aw;

Duhtu Pathian in daizirziar le rinsantlak a lo siter ding,

Ziang hmuahhmuah A hnenah tthum aw.

 

Thinsau timi cu Pathian ih duhdawtnak rinhlelh lo tein

Pathian ih tikcu caan hngah khi a si.

(Visited 25 times, 1 visits today)

Comments

comments

Comments

%d bloggers like this: