Thaw Thawt Loin

February 8

Nipi Ni

 

Thaw Thawt Loin

 

Siar:

Saam 8

 

Maw Pathian na maksak zia cu van ahkhin langter awla, Na sunlawinak khal leilungtlun hmuahhmuah ah langter aw. –Saam 57:5

 

Kumkhat Sung Baiblal:

          Puithiam. 4-5

          Matthai 24:29-51

 

Na hmuhmi thil a maksaktuk ruangah thaw thawt loin na um netabik caan ziangtik ah a si?

 

Electric ih tuahmi thilri pawl le zuknung sungih thil pawl ka tiduhmi a si lo. Ka sim duhmi cu  zaan ah van ih hmuh theimi arsi, thlapi thim, siruk rawl ttawm le zaankhua a tlarin a tleumi pawl(Amos 5:8), zing khawvang pek ih sunlawinak rong mawizet thawn a ra suakmi ni thar, Pathian in ruahti thawn leilung tidai a toih tikah a thluntu khawri, nimthla le ttektlak tivek pawl (Job 36:27-33) an si.

 

Rang cakzet a hngawng hmul tlai thluahthlo in le a ke awn thawn Lo sungih nasazet ih a tlanlai ah a cahnak huham na uar dah maw? (Job 39:19-25). Asilole Pathian pekmi mit-hmuh theinak thawn tlaang sangpi parih a bu sung ihsin zaanriah ei ding a hmu ih vansang parah zam tahrat in hmakhatte ah leilung ih rawl a dehsuktu Muvanlai na hmu dah maw? (Job 39:27-30).

 

Seemsuah lai ah milai cu Pathian in thaw a pek. Cuih thaw cu Amai’ kut ih tuahmi tlolak sungih thil pawl ih mawinak, maksaknak hmang in a laak sak saal. Na kiangkap zoh hnik aw. Pathian in ziang a tuah ti zoh aw. Cutikah na thaw thaw loin, an maksak daan na au suak ding.

 

Mangbangza a simi seemsuah thil pawl in,

Phundang ciar in thu an sim;

Hmanseh Bawipa theitu le duhdawtu cun,

A kut ih sersiammi thil pawl ruangah an thangtthat ding.

 

Seemsuahmi hmuahhmuah cu

Pathian khihhmuhtu kutzung pawl an si.

(Visited 31 times, 1 visits today)

Comments

comments

Comments

%d bloggers like this: