Thathawhnak In Ttuannak Ah

December 4

Zarhte Ni

Thathawhnak In Ttuannak Ah

Siar:

Titas 3:1-8

A thu kan theih takah a tawk ti men in nanmah le nanmah bum aw hlah uh. Nan theihmi kha tuahsuak tum uh.     – Jeim 1:22

Kumkhat Sung Baibal:

–   Ezekiel 47-48

–   1 Johan 3

Ka pu le ka rualpi tampi cu hmuandum tuahtu le neitu an si. Hmuandum mawite sungih leen ka paihnak cu cuvek thil mawi ka hmuan sungah tuah duh dingin thathawhnak in pek ruangah a si.  Asinan thathawhnak ihsin thlansuak ih hmuan tuah ngaingai ding cu ka buai. Ka tikcu caan le ka thazaang ka hmang taktak lo ruangah ka thuruahmi pawl cu an ra cangsuak ngaingai lo.

Kan thlarau nun khal hi vekin a si thei ve. Mi ih tettikhan kan ngai ih an nunnak ah Pathian ih thiltuahmi pawl parah kan mang a bang.  Lungthotertu awnmawi le thuthangttha kan theih tikah taima sinsin in Pathian dungthlun duhnak in kan khat. Asinan Biakinn lenglam kan thlen hnu rei lo ahcun a dungthlun dingah tikcu le thazaang suah ding kan buai ttheu.

Jeim in cuvek Christian pawl cu thlalang ah an hmel felzet in an zoh aw nain an tthat lonak rem aw cuang lotu vek an si, a ti (Jeim 1:23-24). Thuthangttha an thei nain an tuahsuak cuang lo. Jeim in thu theitu men si loin a tuahtu si kan ttul zia in sim.

Midang ih thil ttha tuahmi thei in thathawhnak ihsin kanmah rori thlanhri suak in thil ttha kan tuah tikah kan thinlung sungih khum ciami Pathian Ttongkam (1:21) cu hmuandum mawi sungah thlarau rah a rah ding.  – Julie Ackerman Link

Christian taktak hmuh ka duh,

Ngai dingih ttongtu men si loin;

A tuahmi pawl hmuh ka duh,

Cun a nitin nun zoh hnik ka duh.    – Herrell

Kan nunnak a tthatnakbik caan cu kan ttuan caan a si.

(Visited 20 times, 1 visits today)

Comments

comments

Comments

%d bloggers like this: