Thapeknak

 

June 15  

Tlawngkai Nikhat

 

 

 

Siar:

Kolose 3:14-25

 

Nu le pa pawl, nan faate kha an thinhengter hlah uh; an thin a nau tata pang ding.      – Kolose 3:21

 

Kumkhat Sung Baibal:

–   Nehemiah 1-3

–   Tirhthlah 2:1-21

 

“Pa Ni (Father’s Day)” cu leilung tlun ram tampi ah an tuah cio. An hramthawh daan, an tuah daan le an tuah ni pawl cu a dangdang ttheh ko nain Pa an si ruangah upatnak an peknak thu cu a bangrep ttheh.

 

Tuih kum “Pa Ni” hrangah phun dangin ka timtuah. Ka faale pawl hnen ihsin Card ngah ding le telephone in biak dingmi hngakhlap ih um ding ai ah, an hnenah le ka nupi hnenah lungawinak thu ka kuat hngai. Ziangahtile anmah loin Pa ka si thei lo ding.

 

Paul in “Pa pawl” kha an faate pawl thinhennak le thinnaunak petu si loin an tthatnak ding hrangah thapetu sisawn dingah a forhfial. Hiti’n a ngan: “Pa le pawl, nan faale pawl kha thinheng dingin tuah hlah uh; cumi ai ah Khristian nun daan ziaza le zirhnak thawn cawm uh (Efe. 6:4). “Pa pawl, nan faale kha an thinhengter hlah uh, an thin a nau tata pang ding” (Kol.3:21). Himi Bible caang pawl hi innsungsang ah pakhat le pakhat duhdawt awknak le upat awknak thu sungah hram a bun aw.

 

Pa ih ttuanvo cu faate an upat tikah a thlengh aw nain a cem cuang lo. Lom le thapek cu kum 4 an silai in kum 40 an si tiangah faate ih duhmi a si. Thlacamnak cu hmual a nei ringring. Fapa thawn siseh, fanu thawn siseh, pehtlaih awknak a siatbalmi Pa le hrangah remnak tuah saal ding tikcu hi a tuantuk ti a um lo.

 

Pa le pawl, atu hi nan faale pawl hnenah ziangtluk ka lo duh, ziangtluk ka lo lawm ti ih simnak ding tikcu caan tthabik a si.

 

Kan faate in thapeknak an ttul,

Kan duhdawt le thupitter zia langter a ttul;

Lomnak kan langtermi in,

Pehzom awknak a fekter.

 

Pa in a faate pawl a pek theimi laksawng tumbik cu amah rori a si.

__._,_.___

(Visited 16 times, 1 visits today)

Comments

comments

Comments

%d bloggers like this: