Thangtthatnak Ih Hramthoknak

September 6

Zarhpi Ni

 

Thangtthatnak Ih Hramthoknak

 

Siar:

Saam 150

 

Cuti cun ka thutiammi nitinte kimter phah in,

Na hmin thangtthatnak hla cat loin ka sak ding.   –Saam 61:8

 

Kumkhat Sung Baibal:

–   Saam 148-150

–   1Korin 15:29-58

 

Awnmawi puai tuahnak khaan ih kan luh tikah tokheng ka hawl phah in an awnmawi tummi ka ngai. An awnmawi phunkim an tummi cu rual aw loin an awn celcel. Hlasak hlan ih hramthawhnak hrangah tum sungmi lawng a si.

 

C.S Lewis in Pathian kan biak le kan khawmnak pawl khal cuvek kan bang ding a ti. A caancaan ahcun rual aw loin a awn ruri, asinan Pathian cun Pa pakhat ih lungawinak thawn kan thlacamnak le kan thangtthatnak cu in theih sak. Vancung ih hlasaknak puai ah tel dingin a timtuah aw rero mi kan si. Vancungmi le rundam cia mi pawl ih hlaremnak lakah aw fate thawn a tel vetu ding kan si. Ka aw cu fatezet hmansehla leilung tlun ih a tthabikmi awnmawi puaipi hnakin Pathian ih lung a awiter sawn.

 

Vancung ih thangtthatnak hlarem saknak ah tel dingin thatho te’n kan hngak maw? Pathian lungawitertu biakkhawmnak ah lungawi te’n na tel maw? Pathian biak hi a daan vek in maw lunghmuizet ih biak dingin kan thupitter?

 

Thangtthatnak cu kan kumkhua lungawinak ding hrangih Pathian biaknak ih timtuahnak ah um lo theih lo a si.  “Nunnak a nei mi hmuah in Bawipa cu thangtthat uh” (Saam 150:6).

 

Lungawi le thintak in nan aw suah uh,

Awnmawi le aw le zai hmuahhmuah in;

Pathian ih zaangfahnak cu ringzet in thangtthat uh,

Leilung mi zate’n lungawi dingin sawm uh.

 

Thangtthatnak thawn a khatmi thinlung in

Pathian lung a awiter.

(Visited 28 times, 1 visits today)

Comments

comments

Comments

%d bloggers like this: