Thangtthat Hlasak ih A Hmual

April 5

TlawngKai Nikhat

Thangtthat Hlasak ih A Hmual

Siar:

Isaiah 61:1-3

Bawipai’ thlarau cu ka hnenah a um ih cahnak in i khatter. Bawipa in i hril: farah hnenih thuthangttha sim dingah le thinlung kekkuai mi damter dingah..Zion ih ninghang in a um mi pawl hnenah: riahsiatnak ai ah lungawi thinnomnak, ninghannak ai ah thangtthatnak hla thlenhtu dingah i thlah a si.    -Isaiah 61:1, 3

Kumkhat Sung Baibal:

–    1 Samuel 1- 3

–    Luka 8:26-56

Thangtthatnak hlasak cu hmual a nei. Scotland mi pastor Robert Murray cu Pathian Thu ruangih buainak le thinnom lonak a ton tikah thinnuam ih a um saal hlan lo Pathian thangtthat hla saknak in caan a hmang ttheu. Zing a hung thawh tikah thangtthat hla sak phah in a tho ttheu ruangah a innsang pawl in ziangtikah a tthang ti an sim thei.

Nikhat cu a thinlung in thusim ding a timtuah lai ah, “Ka pumpuluk thianghlim ding hi ka lungduhmi taktak a si maw? Bawipa ziang hmuahhmuah theitu na si … thinnaunak le lungsiatnak ka tuar a natuk ih hih hlei in lungsiatnak ka tuar thei nawn lo. Zaanlam caan a kim tikah hlasaknak le thlacamnak in ka thinlung a dai saal,” tiah a cazual (journal) sungah a ngan.

Na thinnaunak le beidongnak pawl hlonhlo na duh maw? Bawipa thangtthatnak hla sak aw. Saam cangantu in, “Maw Bawipa, na duhdawtnak cu hla in ka sak ringring ding,” (Saam 89:1) a ti. Bawipa in, “Ninghang mi pawl hnenah: riahsiatnak ai ah lungawinak, ninghannak ai ah thangtthatnak hla thlenhtu dingah i thlah a si,” (Isaiah 61:3) a ti.

“Ziangtik caan khal ah Pathian thangtthatnak hla sak cu a ttha” (Saam 147:1). –Paul Van Gorder

Ka thlarau van Siangpahrang thangtthat,

A kehram ah na laksawng rak keng;

Tlennak, damnak le ngaidamnak,

Kumkhua thangtthatnak hla thawn. –Lyte

Na thlarau nun thilrit phur ih a um tikah,

thangtthatnak thuam hruk aw.

(Visited 23 times, 1 visits today)

Comments

comments

Comments

%d bloggers like this: