Thang In Awhmi Na Si Ve Maw?

Thang In Awhmi Na Si Ve Maw?

HM

Falam pawl lungrual lonak pakhat cu Evi awknak thang in awk: Ziangtin?

Evi cu a pasal thu rawn loin, pasal thuhnuai ah um loin, Pathian hnakin fimsawn vekin thei awaw in, Pathian thupek thlun hnakih thiltha sawn thei vekin, Satan in a bum!

Cuvekin kan milesa, tuisan minung (Satan thang in?) thang a awk!

Anmah zirhtu, hruaitu, ulepa, Saya, thlarau lam hruaitu pawl, an thlun dingmi pawl hnakin fimsawn, theisawn, thiam sawn, thlarau mi sawn, ram le miphun duhdawt sawn, thiltha thei sawn, vekin an um, bum in an um, thang in a awk!

Anmah pawl bumnak thang pawl tla cu doctrine, pawlkom, dik sawm theisawn sinak, (legalism, pharasism, or lebaralism, etc.), midang mawhsiatnak (accusers of Brothren), midang mawhnak le palhnak, tvp tla asi theu!

Billy Graham cu Thuthangtha asimmih a thlennak kipah thutak co, nunpitu, piangthar pawl hnenah “nan fehnak, umnak kipah thutak nunpitu, Khrih palai tha, thutak mei eng va si vivo uh” ati ih an umnak kawhhran, pawlkom, an hnatuannak company, professional field, pawlkom sungah thutak nunpitu, mei eng si dingin, a fial vivo hai.

Bible, Pathian thu sungah ziangkim a famkim theh! Asinan secular tlawng ah A,B,C, 1,2,3 zir loin Bible let le simfiang theitu ka theih mi an um hrih lo. Fim zirnak, cozah kumpi, le pawlkom kaihhruai awknak (tradition) pwl hi Pathian hmanrua an si.

Santhar mino, minung pawl, thang in awkmi na si ve pang maw?

Nangmah lo porh rero tahratin midang dodal dingin a lo tuah tu , thang lak ihsin fimkhur aw!

Kan upa, hruaitu, upa, pawl an dik theh tinak asilo; ziangkim kan tuahnak ah duhdawtnak, remdaihnak, unau tlaihsannak in Bawipa in inzirhta vekin kan milai pi upat tlak, upat ding, thlun dingmi thlun in nun hi ram le hnam, miphun, pawlkom damnak, Pathian hmin sunlawinak asi sawn.

Kan umnak pawlkom, mibur, ziangvek le zovek lak khalah, ziang hna kan tuan ih ziangvek tuanvo kan nei khal asile Khrih ih mei eng si cio uhsi!

(Visited 36 times, 1 visits today)

Comments

comments

One Comment

  1. vanneizing says:

    Thu tha ngaingai a si.thangzang ka ngah zet. Bumnak hnuai ah kan um nan kan thei aw theu lo hi a poi ngai si.Fak nak awkam hin kan lung a ti hmui zet nan in awk tu thang tha bik a si ti kan thei lo. Thei mi um sun te thawn thei bik le ti thei bik ah kan ret aw mai theu ih mi dang le hnuai ah ret tahrat in an hmaikhua pit ding khop tiangin kan va thangsiat ta bet lai hi a poi zet. cu khal cu mah le mah thang kan rak kam aw rero fang a si. cui thang sung in suak kan cu zo.
    fim thiam zir kan cu zo ih Pathian hman thei dingih hlan aw a cu zo. mah hma lawng sial lo in mi dang hma khal sial thiam thlang uh si.

Comments

%d bloggers like this: