Tham Theihmi Duhdawtnak

May 9

Nipi Ni

Tham Theihmi Duhdawtnak

Siar:

Johan 19:25-30

Jesuh in a nu le a duhdawtmi dungthluntu pa cutawk ih an din kha a hmu ih a nu hnen ahcun, “Amah kha na fapa a si,” tiah a ti. – Johan 19:26

Kumkhat Sung Baibal:

–   2Siangpahrang 7-9

–   Johan 1:1-28

Ireland ram Dublin khua ih Chester Beatty Library timi cabu khawlnak ah mangbangza khuahlan lai ih Bible Ca tthen tete pawl an khawlmi a um. Cumi lakah Johan bung (19) nak khal a tel ih Jesuh Khrih thinglamtah parih an taarlai ih a nu a biak tikah a duhdawtnak le seherhnak a lang thu a sim. Cang (26) nak ah, “Jesuh in a nu le a duhdawtmi dungthluntu cutawk ih an din kha a hmu ih a nu hnen ahcun, ‘Nunau nu, na fapa kha zoh aw!” tiah a ti.

Hih hlanlai Bible cang ka zohhliah tikah Jesuh ih a nu le a rualpa a duhdawtnak hi thamtheih duhdawtnak a si. A feh hnu ah a nu Mary kha a rual Johan in kilkhawi dingin a ap tami in ziangtluk a fiangmi ttongkam in a duhdawtnak le a seherhnak kha leilungpi a theihter. Thinglamtah ih an thlai lai ah Jesuh in Johan kha, “Na nu kha zoh aw!” tiah a ti. Cuihsin thokin khaih dungthluntu in a nu kha amai’ inn ah a umter” (c.26).

Nu na neilai asile tuihsun “Nui’ Ni (Mother’s)” hi na NU na duhdawtzia mipi theih in phuang dingah mangbangza caan ttha a si tiah ka ruat. Nu nei nawn lo na si le a hrangah Pathian hnenah lungawithu sim aw. Cuih hnu ah ziangtluk na duhdawt le na hrangah a thupit zia tham theih in langter aw.  – Bill Crowder

A man khiah theih lomi laksawng Pathian ih in pek vekin,

Ni khatkhat ahcun kan hnen ihsin a feh leh ding;

Duhdawtnak le zaangfahnak thawn tampi pek aw,

Duhdawtnak taktak na thinlung zate in. – Stairs

Pathian in ka NU thluasuah pe seh;

ka sinak zate’n asilole a parah leibak ka nei.

Abraham Lincoln

(Visited 30 times, 1 visits today)

Comments

comments

Comments

%d bloggers like this: