Thalai 2 Kap That, Mipi Buai Phang: Kawlram Ralkap

Ralkap pawl thawi thu elawknak ruangih ralkap ih an kah that mi thalai mi 2 ruangah mipi pawl thinso in buainak an suah ter ding ti an phang ruangah an buainak cu mipi le ralkap buainak a silo tiih phuang dingin acozah thuthang phuangtu pawl cu an sim.

Acozah duhlo ruangih mipi buaiding an phan tuk ruangah New Light thuthang ca cun, hi thalai pahnih Soe Paing Zaw, 19 le Aung Thu Hein, 23 an thah mi cu zuri buai hnawk ruangih thi vekin an tar lang. Kan dungkar zarhte zan ah an pahnih in Bago ah an kap that ih an ruang hi tlawngkai nihnih ni ah an ur.  An ruang an urnak ah mipi thinheng sosanglo dingin nasa zet ih kilhim hna tuan a si.

An tomi Taxi le ralkap zungsang upa zuri pahnih mawtaw bike an taihawk nak ih thil cangmi a si. Hi ralkap zungsang upa pahnih hin zu an ri ih cutiih Taxi to adang mi panga pawl thawi an buai laiah a rualpa tucu rak tlan in midang ralkap pa li pawl cu ko in Boga Tlangleng hmun lam an feh ih cutin an rak kir sal lamah pakhat ih meithal kawm cu kahcia zo in a um ti in hmufiang tu pawl cun an sim.
AFP

Comments

comments

Comments

%d bloggers like this: