Thailand Ram Buai Nak A Dai Zo

Thailand Ram Buai Nak  A Dai Zo
 
 
Thailand ram Prime Minister Abhisit Vajijave leh Cozah nawr thlak tumtu mipi pawl leh ralkap pawl buainak ruangah  Bangkok khawpi ah minung 2 an thiih,tui dinhmunah buainak tuahtu mipi pawleh Cozah lam pawl biakawknak an neih ruangah buainak tuahtu mipi pawl cun an buainak tuahmi an cawlhsan hrih asi. Hi buainak tuahtu lakih an hohatu pakhat  Kannika Saikaew cun  Cozah in mipi pawlih duhdan ngai duhlo ih ralkap cahnak hmangih mipi pawl a tthua ciamco cu pawi a tithu asim.
 
An hotupa bik Jatuporn Pronpan khalin tuidin hmunah mipi sahim nak hawlih buainak tuah cawlhsan a tul hrihih buainak cu cawlhsan hrih hman nungna kan tumtah mi Thailand ram Cozah diktak mipi duhdan ih a feh ih diknak a um laihlanlo cu kan nawrsal leh thotho ding tiah a sim. Thailand ramhi  pursum leilawn nak lamleh sumdawn naklamah ram thangso cu asi ve pamnan Politics ah hin a buai ringring mi ram asive.
 
Sri Lanka Ralkap In Ceasefire Pah Bal
 
Tui zingah LTTE pawlcun Sri Lanka Cozah thawi thutiam kamawk nak umlo ih  rin umzet leh hnget zetmi Ceasefire tuah an duhthu an sim. Tui naite ih nihnih sung Ceasefire an tuahmi cu Sri Lanka Cozah ralkap pawlin an pahbalih LTTE pawlih daitei umlai an kap ciamco tiah an sim.
 
Tui dinhmun ah LTTE pawlhi an dinhmun a thalo zetih Sri Lanka ram saklam Mulaitivu ih Pudukudiyirippu ih hramlak ram Square Kilometre 20 hrawng sungah an tawmkhawm aw ih Sri Lanka ralkap pawlin tlansuak theilo dingin an kulh rero lai. LTTE pawlih relhnak hmun hi mipi vangtlang um khawmnak hmun kah awk nak ih hmanlo dingmi No Firing Zone an timi asi ruangah an him hrihlai asi. LTTE thupuangtu cun mipi vangtlang pawl himdam tei hmundangih thiarsuak an si theinak dingah  ramdang pawlih theipi nakin Ceasefire diktak tuah an duhthu a sim. Ceasefire tuahmi cun zo veve hrangkhalih thiltha a si theinak dingah ramdang theipi nak hnuaiih tuah a ttul asi ati
(Visited 35 times, 1 visits today)

Comments

comments

Comments

%d bloggers like this: