Thailand PM Bang Dingin Mipi In Nawr

April 9th, 2009
 
Thailand PM Bang Dingin Mipi In Nawr
 
Thailand ram Bangkok khawpi ah Prime Minister hlun Thaksin Shinawatra ih lam tangpawl minung 3,000 lenglo pungkhawm cun  Prime Minister thar Abhisit Vejjajiva cu bangding in an nawrih PM Abhisit Vejjajiva cun himi pawlih nawrnak ruangih ban a tumlo thu a sim. Buainak sosang a suah phan ruangah lamzin pawimawh deuh ah ralkap Duty ret thluh asi.
 
PM Abhisit Vejjajiva bangdingih nawrtu lakah United Front For Democracy againt Dictatorship (UDD) pawlcun PM Abhisit Vajjajiva in PM a sinak cu dandiklo ih thil a ti ruangah asiih ralkap cahnak hmangih Cozah din asi an ti. Tihni sun khalah Pattaya ih Cabinet Meeting an tuahthluh ih a tlunnak lamzin ah PM Car hi mipi pawlin an rakden sakzo. Palik pawlin an simnakah kum 2006 ih PM Thaksin Shinawatra hlawn dingih raktawl reltu bik leh tui PM  tharih rinsan zetmi Prem Tinsulanonda ih umnak Inn khal kulhbet an tum tiah an sim.
 
Tui ramdang ih relh lai PM Thaksin Shinawatra cun a lamttang mipi pawlih thilti dancu Thailand ram hrangih thil hminsin tlak thil tha langsar asi ati. PM Abhisit Vejjajiva cun himi buainak ruangih Parliament suahsan a tumlo thu a simih buainak tuahtu pawlcu danvekin nazetih hrem an siding ati. PM Abhisit Vejjajiva cun April 10-12 ih Asia ram 16 Thailand ih tawnkhawm awknak ding khal tluangtei fehpi a tumthu a sim. PM hlun Thaisin Shinawatra ih lamtang pawlleh Cozah tharlam  pawlhi an nawr buai aw rero lai asi.
 
Indonesia Ram Hril Awk Nak Tuah
 
Indonesia ram cun rampi hrilawk nak an tuahih hi an hrilawk nakah hin Political Party 38 an telih Vote nei minung million 170 lenglo an um.Tui an hrilawk nakhin tuikum July thla ih an ram President hrilawk nakih Cuh theitu ding a tarlang fiang dingih tui a langdan ah cun President tuanlai tu   Susilo Bambang Yudhoyano ih hruaimi Party an thabik laidingih zum a si.
 
Indonesia rampi danding laimi ah cun Political Party lakah Parliament Seat hmun nga thenih hmun khat ngahban Party cun President Candidate an neithei ti a si. An hrilawk nak hmaisabik cu Papua Province ah tuah asiih  Province khawpi Jayapura ah mihrek khatin Palik Duty pawl an tibuai  ruangah minung 6 an thi tiah Palik pawlin an sim.
 
Russia In Sayuz Kap Hlawh Tling
 
Russia cun vansang boruak lawng Sayuz cu kandung March thla 26 ah Kazakhstan Baikonur Cosmodrome ihsin a kapsuakih  hi Sayuz hin International Speace Station a hel hnuah himdam ten Kazakhstan ah a rungtum salzo tiah Russia Cozah cun an sim.
 
Hi boruak Lawng a kahsuak mi ah hin a mawngtu Yuri Lonchakov, leh Michael Fincke leh US mi Microsoft Excutive hlun Simony an si ih an harhdam nakkhal a thazet tiah an sim. Hi
Vansang lawng Sayuz hi  US mi Simony cun mannei ih a thlun mi a siih  Simony hin US dollar Million 35 a pe.
 
Nuclear Thu Relpi Dingin Ram Lian Paruk In Iran Sawm Tum
 
Leitlun ram lian leh thilti thei ram 6 US, Russia, China, Franch, UK, Germany. pawlcun Nuclear Programme ruangih buainak relpi dingin Iran cu sawm rem an ti tlangih. Iran sawmtu dingah European Union  Foreign Policy hotu pa Javier Solona cu ngen an tumthu an puang. Hi ram ropi 6 Landon ih tawngaw khawm pawlcun Inran in an sawmnak ngai pawimawh sakdingih an duhthu leh  Nuclear Programme ruangih harsatnak a tawnlaimi relfel thei dingah Iran in theitawp a suahve an duhthu khal an tarlangbet.
 
 Hi ram ropi 6 pawlih sawmnak Iran in zianghman ih a rello ih a ngai pawimawhlo asi ah cun Economy leh Polities lamih pawimawh ding thil khalah hrem an ello dingthu an sim. Uranium Enrichment Plant a tuah thotho ruangah UN in Iran hi lamzin tinkim ah a hrem laimi a siih. Asinan Iran cun Nuclear Programme a tuahmi cu Powerlaksuah nakding lawngih a hmantum thu a relih leitlun ram dangdang pawlih ruahdan vekih thil tihnung zawngih hman a tumlo thu a simve. Obama in ruah hmannak a tuahmi leitlun ram pawllakih Oil suahtam nakbik pali lakih telve mi Iran leh Mosolman ram pawlthawi rualrem awknak lamzin a tawlrel micu  UK, China, Russia, Germany, Franch, pawlkhalin a thlawp thu an sim.
 
Lawng Ruk Hmang Misual In US Lawng Captain An Kai
 
Indian Ocean Hornot Africa tipi thuanthum tlunih Somalia lawng ruk hmang misual pawl cun US lawng Captain Richard Phillips cu an kaiih  hi Lawng Captain Richard Phillips runsuak tumih US Raldo nak lawng leh lawng ralkap Navy pawlcun tuizingah himi hmunhi an thleng asi.Hi Lawng Captain hi midang 12 thawn thilri phur lawngthawn kaih an siih midang cu nazi 12 sung an hren hnu ah suahsal an si,
 
US  Secretary Of State Hillary Clinton cun  lawng ruk hmang misual pawlcu  nuai cimit thluh dingih theitawp suah  a ttul a tithu a simih hi misual pawl do dingah leitlun ram dangdang tankhawm a ttul a si ati,  Somalia tipi thuanthum tluanah hin lawng rukhmang misual an tamzetih ram dangdang khual tlawng lawng leh thilri phurtu Lawng tamzet an ruzo ih a tlensuak nak dingah paisa tamzetzet an ngen theu, Cu ruangah  hi lawng rukhmang misual pawl kai dingin US, Russia, China, Japan, UK, leh ram dangdang pawlin an raldo nak lawng leh Lawng ralkap pawlkhal himi hmun ah an kuat rero zo. Asinan  Somalia Muslim Tapung pawl an siih Meithal leh hriamhrei thazetzet an neive ruangah duhtawkih kaih leh  hual an thei lo nak asi.
(Visited 29 times, 1 visits today)

Comments

comments

Comments

%d bloggers like this: