Thailand Magazine Editor Kum 11 Thawngtla Ding

imagesBANGKOK : Thailand ramsung suak Magazine pakhat “Voice of Taksin Magazine” editor tuantu Somyot Prueksakasemsuk, kum 51 mi cu, an suahmi thuthangca ah, an siangpahrang relsiatnak le Thaksin ih party pawl thapeknak pawl a tel ruangah ti in kum 11 thawngtla ding in Bangkok Criminal Court cun a tlun thu a relsak si.

2010 kum ih an thuthangca ih an nganmi ah cuvek ih puh asi nan, Somyot ih a hmanmi danthiam pa cun, “An puhnak article 112 le Somyot ih tuahmi kalhawknak a umlo nan hivek ih thu an relsak cu kan theithiam lo asi” ti in asim. European union le Human Rights Watch pawl cun hivek ih an thuthennak ruangah Thailand cozah cu an dem thu an relsuak ve.

Zuksuai Mi Ruk Ruang Ih Thawngtla

MIAMI : America mi Pedro Antonio Marcuello Guzman, kum 46 mi le, Mexico nu Maria Martha Elisa Ornelas Lazo, kum 50 tei pahnih cu, Venezuel ram ih museum ih ta Henri Martisse ih zuksuai mi an ruk ruangah kaih an si ih, mipa hi  kum 2 le thla 9, nunau hi kum 1 le thla 9 thawngtla ding in US Federal court cun an thu a relsak. Hi tei pahnih hin December, 2002 hrawngah khan hi zuksuaimi hi an ru ih, US$ 3 million ih zuar an tum laitak ah kaih an si.

Comments

comments

Comments

%d bloggers like this: