Text Messaging Kum 20 Kim Thlang Ding


The Observer

Text message kuatnak a kum 20 a kim thlang ding! 1992 ihsin text message kuatawk a rak thok. A hmaisabik text message rak kuattu cu Neil Papworth asiih Christmas lai ah a rualpipawl, 3 December 1992 ah a rak kuat, cucu a hmaisabiknak tiah hminsin a tuah.

Kumtin, a malbik text message 8 trillion lenglo kan kuat aw. Thaisun ah text message kuatawk a rak thok kum ihsi siar in tuisun tiang ah kum 20 a kim thlang ding. Nikum lawngah 8 trillion lenglo an kuat aw. Nitin, leitlun minung million 15 lenglo in minit pakhat sungah kan mobile phone kan zoh.

Internet le facebook tivekpawl tla a larzet ko nan leitlun ih minung 92% pawl cun text message  hmang ih cakuat awk nuam an ti sawn hrih lai. Text message ih cakuat hmangtupawl cu a tlangpithu in kum 18-25 mi hrawng an si.  Cuipawl cun zarh khat sung ah message 133 hrawng an kuat theu. Mipa pawlin text message an hmang tam sawn nan nunau hnakin an ngai tawi thei sawn.

Fala tamsawn cu an text message hmangin an tlangval thuthup an sim aw. Coventry University ih zingzawitupawl cun nauhak tlawngta mobile phone ih text message kuat hmang pawl cu kuat hmanglo nauhak pawl hnakin canganthiamnak le fimthiamnak lam ah an thluak a cak sawn tiah an phuang.

Asinan, zingzawitupawl cun motow to phah le mawngphah ih text message kuatawknak ruangah nunnak hloh tampi an um thu ah ralrinak an pe. Guinness Book of World Records hminsinnak ah test message ngancakbik cu Norway mi Sonja Kristiansen a si. 2005 ah kum 24 mipa te Scot ihsin Craig Crosbie in ngancakbik a ngah sal.

Comments

comments

Comments

%d bloggers like this: