Tektla vek Ruahnak pawl

April 21

Tlawngkai Nihnih

 

Tektla vek Ruahnak pawl

 

Siar:

Matthai 8:23-27

 

Thlangam daihnak in petu Pathian cu nan hnenah a um ding.  – Filipi 4:9

 

Kumkhat Sung Baibal:

          2 Samuel 12:13

          Luka 16

 

Radio sungah nunau pakhat in au ciamco in a rualpi a biak ka theih tinten ka hni ringring. A lu sungih ttektlak awn a theihmi hnakih ring sawn in ttong a tum. Thlisia hraangmi in a inn hrekkhat a siatter ni ihsin cuih thawmvang cu a thei ringring, ziangahtile aamahkhan company in a dilmi an pek lo ruangah a si. 

           

Ka lu sungih ttektla awn ka thei ttheu, nannih tla nan thei ve men ding. Kan hnenah maw, kan kiangnai minung hnenah maw, riahsiatnak a thlen tikah thuthang kan thei ttheu. Kan thinlung cu thlisia bangin a hraang. Thil ttha lo ra thleng ding vekin kan ruat. Pathian in ziangti’n a tuah pei maw ti kan hngak. Thla kan cam, kan riahsia, kan mang a bang rerolai ah kan ttihnak, kan helhkamnak le Pathian kan rinsannak cu a ttum thul a kai tthul ti’n a um.

           

Thli sia hrang cu ttihnungza a si ko. Dungthluntu pawl khal in an hnenah Jesuh a um ko na’n an ttih (Matt. 8:23-27). Huham nei Pathian anmah kilkhawitu a si kha hmuh hngai a duh ruangah thli sia a hrangter.

           

A dungthluntu pawl hrangah tisuar a daiter bangin kan nun ih tisuar thomi khal Jesuh in a daiter ding kan duh. Kan thinlung sungah “Lawng sungah, kan hnenah a um ih in kilkhawi” timi thutak kan mang tikah daihnak kan co ding.

 

Ttihnak in thlisia a hranter nain,

A kut sungah a kai, thli le tisuar cu;

Ziang hmuahhmuah theitu rinsan in,

Ka ttihphannak hmuah a dai.

 

Lawng hlaunak ih thupitzia thei dingah,

thlisia ih namnuainak kan tuar a ttul.

(Visited 32 times, 1 visits today)

Comments

comments

Comments

%d bloggers like this: