TEFF Ruaipi Hrang Haikhawl Ah Mandat Sak Thok Zo

CT media group | 1 February 2012

Haikhawl : A vei 12 nak, The Truth Evangelical Falam Fellowship (TEFF) Ruaipi cu Haikhawl khua ah, Ni 6-12.Feb’ 2012 sung neih ding a si ih, cuimi hrangih khawmnak ding, Haikhawl bualrawn ah Mandat sak rero lai a si. Hi Mandat hi a dung Feet 200 le a vang 100 ih kau in, a thleng tu ding khawsung um pawl cun 23 Jan 2012 ihsin timamnak an neiih, 3 Feb 2012 ah sak theh an tum tiin thuthang kan dawng.

Himi hrang ahhin khawsung le khawleng ihsin a thei thei hnatlan ih thawh a siih, a tuan suak theilo, peaw thei pawl ruangah, sun tisa/lakphak hmeh khal hlunghlai zet ih neih theu a si. Nitin hi a tlangpi thu in minung 50 hrawng in hi Mandat hrang ah an tuan theu. Khualkhua ih um, sumdawng le khualtlawng hrekkhat pawl khal himi hmang thei dingin, mai khua le ram cio pan in an tlung.

Hi Ruaipi ahhin Pathian sunglawi bik a siih, a ngaitu pawl thlarau lamih hlawknak le thansohnak an hmuh theinak dingah tiin, rawl uul thlacam ih Bethel nak thawn, khawsung um le khualkhua khalah nasa zet in Pathian an dil a si. Hi Ruaipi hrang ahhin Antam hmun tiang tuahin, sumpai hawlnak neih a si. Hi Ruaipi hi ziang pawl, ziang kohhran ta ti a um lo, a duh le zawh theithei hrang a si. Kohhran tin sawm a si ih, hlatlannak khalah kohhran tin ihsin an poksuak.

Hlasak thiam le Pathian thuthang tha simtu ding pawl khalin, Pathian hnenah nasa zet in an aapaw a si. Evan le Singer ziangzat an si ding ti hi theih a thei hrih lo. Hi Ruaipi thangphawknak hrang tiin, NI 30 Jan – 5 Feb 2012 sung, Presbyterian Biak inn, Haikhawlah Crusade Evan. Van Lal Muan le Evan Mang Siah Luai le Singer Martha pawl in an tuah a si.

Hi Ruaipi hrang ahhin Pathian hrangah tiih thilpek tling khawm tlangpi, tuini tiangih kan theih thei mi pawl cu:

1. Fangfai – Dip 80
2. Vok – 35
3. Caw – 3
4. Sia – 1
5. Arti – Pum 500
6. Elan (Satpia) – Dip 1
7. Ci – Dip 1

Cun Ramleng ihsin tuini tiang ngahmi hi Ks. 2031000.00. Ngah lai dingmi pawl le tul dang pawl report kim in, Ruaipi tiak ah theihter ding a si.

(Visited 65 times, 1 visits today)

Comments

comments

5 Comments

  1. A va ropi lawmam ve. TEFF na nun khua sau hram sehla mi tampi ih Thlarau le Taksa ih hlawknak si camcin hram. Na ttuannak rah in a Nung kan Biak Pathian cu mikip in Sunglawih Thangthatnak pe hram haiseh. Amen.

  2. Nan ti ttha tuk, nan khawmawk dupdo lai zuk tampi’n in run thlahsak hram uh, CNF/A pawl zuk tampi tar sak hnakin hivek Pathian hnattuannak zuk tampi’n in tarsak asile CT khal a damsau sinsin ding.

    Lungawi,
    Sangpi

  3. TEFF an dam vivo len cu Lairawn le Falam Kohhran a baui sin sin ding a bang. Haikhawl hin Pathian hnakin TEFF an thangthat sawn, TEFF tanin an tang a bang zet fawn. Baptish a buai ding ih PCM a kuai vivo ding… Hi TEFF (Thu Thak) hin thenthekawknak lawng lawng lam zin inzawh tir….

  4. Mawite

    Pathian lung siat tertu na si pangkei, tongkam hi ralrin a tha zet sokhaw. Thuthang tha phuangtu sawisel/relse tu hi mi tluang an um dah lemlo. Na hmaikhua khal ruah ding sau um in ka thei. Tlang ca zual ih kan thanawk mi hi, bulpak ruahdan duhduh ih ngan le thanawknak a si lo ti theitu si khal zir vivo tum aw la maw…..

  5. Dear mawite
    nati dik tuk aw
    ka lo tan nasa na tlun ciah ih rung rel tu
    kha kohran nei lo mi nung a va bnag hmel ve
    a hrangah thla camsak a tul ve hle si kha
    vesu cun?

Comments

%d bloggers like this: