Tedim in District Dilnak Ca Rampi President An Pek

By- Salurop
zomidaily.com

Kan theihcia vek in Chin ramkulh sung ah District 2 lawng a um ih thlanglam ah Mindat District le saklam ah Falam District pawl an si. Cumi karlak ah Pu H. Vum Nang (President of ZRDP) ih hohatnak in Tedim tong hmang pawl sung ah Tedim district ngah bet thei nak ding ah thupi ah ret in kan dung zarh sung (19-24 March 2012) ah Tedim khawnu khawpa pawl thawn relkhawmnak le a ttulmi ca pawl zohtlangnak an nei thei tiah kan thei.

Culawng hman silo in Tonzang le Cikha khawpi pawl khalah a ttul hrih mi mipi’ lungkimpinak le ca thupi pawl zohfel nak an nei bet ih cumi ca pawl an remtthat hnu ah Kalaymyo ah an vung tlunpi hnu ah Presindent Pu Thein Sein hnen ah an rak kuat zo ti in kan thei. Kalay le Naypyidaw kalrak Pu H. Vum Nang ih cemliam mi zaten Vangteh khawmi Dr. Thuam Khan Suan (Kalay DC Superintendent Dental) in miphun duhdawtnak thawn a liam sak thluh an ti. Tedim District thar kan ngah theinak dingah Zomi hmuahhmuah in thlacamnak thawn kan bawmaw cio pei uh tiah www.zomidaily.com ah an ngan.

“Khaw lal a thar an rak kai tikah Tedim District kan ngah hrihlo asi tla le anmah thawn Tedim District dilsal sehla ti tla kan relkhawmmi bik asi. Acaan i zir in kan umnak ciar ihsin Bawipai’ hnen ah thlacam ding hi a thupibik a siih khawnu khawpa aiawh in Dr. Sian Za Kham ih hmin sign cia mi leh hluttaw palai Tedim ihsin mi 3 le Tonzang ihsin mi 2 ih hmin sign an thut mi pawl thawn tu ah President hnen ah ca kan rak pe zo,” tiah Pu H. Vum Za Nang (ZRDP) in 29 March 2012 ni ah zomidaily ah mipi theihternak a nei.

(Visited 71 times, 1 visits today)

Comments

comments

Comments

%d bloggers like this: