Tedim Ih Jeep Let Ah Mi Pakhat Thi; Pa (8) Hliam Tuar

Tedim motor let

Motaw letmi

Van Bawi Lian

Lamzang – October 16

Kalay ihsi Tio lam pan Shwe Ne Sat cun mani sun October 16, 2014, zanlam 2:30 tluk hrawngah lamthlang ah a let ih a hmun ah mi pakhat thiin mi pariat pawl in hliam nazet an tuar tiin thu kan dong.

A hmun ih nunnak cem mi hi fala Mai Rosy Lal Rem Mawi kum 19 mi a siih Tahan, Kalaymyo ihsi Mizoram lam ih feh tum a si.

Pinkly Rose

Mai Rosy Lal Rem Mawi Kum 19

An motaw to mi cu Lamzaang khua lampi sir ah a tlu tiin the Tedim post cun a tarlang. Hliam a tuartu mi pa (8) pawl le Mai Rosy ih ruang cu Tedim ih tlawmngaiih mibawmtu Shalom pawl le Zo Youth Association (ZYA) pawl in an tuam hlawm.

Hliam a tuartu mi pa (8) pawl cu, 1. Thang Hrin (61) Ciau Khuami, 2. Biak Cung (42) Letpanchaung Khuami, (3) Malsawmthangii (8) Letpanchaung khuami, 4. Zopalii (48) Aizawl Khuami, 5. Zual Boih (19) Yangon, 6. Ram Ching (44) Aizawl Khuami, 7. Lalthanmuan (58) Yangon Khuami, 8. Nang Khan Cin (34) Zosuan Khuami pawl an si ti tla in The Tedim Post cun a tarlang. Mai Rosy ih ruang khal  Tahan ah October 17 zing pit ah a thleng zo titla in thuhla kan thei a si.

Hi an tomi jeep fate hi Kalay ihsin Tio ih miphurtu jeep a siih mi 11 an to.#

(Visited 1,285 times, 1 visits today)

Comments

comments

Comments

%d bloggers like this: