Tawng-gi Ih Lohmun Acre 700 Lenglo Kawlram Ralkap In Hminsinnak Lungphun

Myanmarnewshub | Febuary 4

Shan State, Tawng-gitowship ihum Pin-ngui khua le Hu-pung khua ih kuthnatuan pawl ih lo an neihmi ihsin acre 700 lenglo cu Kawlram acozah ralkap pawl in cozah tasinak(hminsinak) lungphun, thantar le ralkap himsinnak lungphun pawl an phun thu thuthangca In a tarlang.

Kawlram acozah ralkap thuneitu pawl cun Shan State, Tawng-gi township ihum Pin-ngu le Hu-pu khua kiangkap ih lo hmun pawl ah acozah hminsinnak thantar siseh lung phun siseh phun in hminsinnak cu January 6 ah an tuah ciamco ih loneitu pawl cun acozah in an lo hmun pawl cu a lawnsak an phang thu khal a tarlang.

Cuhleiah Tawng-gi township Nawng-lay gizua uksuh, Thi-wa khua, Kan-hlawng khua le Thi-ta-yian khua pawl khal ah Kawlram acozah ralkap pawl cun lo hmun acre 170 hmun sungah ralkap training peknak hmun pawl an rak awng zo ih kum 2011, December thla ah Naypyidaw ih ralkap thuneitu sang pakhat cun hi hmunah acozah thantar a phunsak zo ih loneitu pawl cun an lo hmun cu an hlo pang phang in an rak um phah zo a si.

Cuvek ih lohmun pawl acozha ralkapin an tuahsak ruangah lohmun neitu 120 lenglo cun Tawng-gi ihum lo lam zung khal ah siseh Kawlram president hnenah khal siseh thubuai thehlut in an theih ter zo nan tutiang in ziang hman hmalaknak a um hrihlo thu loneitu pakhat in a rel.

Kawlram acozah cun ram dang pawl thawn pursumleilawnnak lam ah hmalaknak theitawk in a la rero ih cuvek ih hmalaknak  a neihmi lakah project thar a tuahnak ding hrangah hmun tam zet a tul vivo ding ruagnah mipi inhmun siseh lohmun siseh a tul dan ih an lak vivo a zumum thu thuthangca in a tarlang bet.

(Visited 29 times, 1 visits today)

Comments

comments

Comments

%d bloggers like this: