Tartuk Ti A Um Dah Lo

March 20

Tlawngkai Ninga

Tartuk Ti A Um Dah Lo

 Siar: Seemtirnak 18:1-15

 Bawipa ih hrangah a harmi a um maw si?   Seemtirnak 18:14

 Kumkhat Sung Baibal:          Joshua 4-6         Luka 1:1-20

Brown Manor ih ummi nupi nu pawl cu an sungkhat pawl an cawm hnu ah an hnattuannak in an cawl. Anmahte an nung thei nawn lo hrangah, “Vancung kai hlan a netabik colhnak” vekin Brown Manor ah an va um. Pakhat le pakhat an pawlkom awknak ah nuam an tizet nain tthathnemnak kan nei nawn lo ti ruahnak in an tha a nau ttheu. A caancaan ah ziangah so Pathian in vancung ah zamrang ih in kawh lo? tiah an ruat ttheu.

  Kum reipi Piano rak tum ttheutu nu cu Brown Manor piano in Pathian hla a tum ttheu. Midang pawl in hla an sak ih an zatein Pathian an thangtthat ttheu.

Nikhat ah acozah hnattuan cazin cektu pa cu nunau pawl Pathian biak khawmlai ah a ra. “Jesuh thawn ziang na tuah ding?” timi hla an sak a theih tikah Pathian ih Thiang Thlarau a sungah hna a ttuan. A nauhaklai ih hla a si ti a thei ih Jesuh ka dungtun zo a si hi ti’n a ruat aw. Cumi ni ah Pathian in a hnenah thu a sim saal ih himi thusuhnak cu phundang in let dingah tikcu caan a pek saal. Cu le phundang in a let zo.

            Brown Manor ih nu pawl bangin Sarah in Pathian ih hman dingah ka tartuk zo tiah a ruat (Seem. 18:11). Asinain Pathian in a tar hnu ah faate a pek ih amah cu Jesuh ih suahkehnak nu a si (21:1-3; Matt 1:2,17). Sarah le Brown Manor ih nu pawl bangin Pathian ih hman m si dingah kan tartuk dah lo.

                                                               Rei deuh kan nung tikah kan thei tam sinsin,

Tar cu fimnak langter ding tikcu caan a si;

Ziangtluk ttong ttha kan ttong ding cu zo in a thei,

Vakvai pawl hrangah.

 Pathian in kumziat na si khalah a lo hmang thei,

duhnak thinlung na neih ahcun.

Comments

comments

Comments

%d bloggers like this: