Tapung Hotu Kapthat

By- Pasum
January 10, 2008.
UN  Thu US In Pawm Duh Lo
Israel leh Hamas pawl do awknak cu ni 13 a kimzoih. Himi sungah Palestinian minung 770 leh Israel minung 14 an thizo.Mizan sun khalah Israel raldo nak Vanzam ih Missile kahsuak mi’n Palestinian minung 6 a kapthat sal ih.  Gaza sakalm ih In sawng 5 sangkhal Israel vanzam Missile hin a kapsiat cim thluh tiah Hamas pawlcun an sim. Mizan zing khalah Israel vanzam hin Gaza hi bomb vawi 30 lenglo a thlak betsal.  Gaza khawpi ih UN minung bawmnak hnattuan tupawl cu mizan sunih sin an hnattuan an cawlhsan. Hi pawl an cawlh naksanhi  UN Motor pakhat Palestinian bawmnak phurtu  Erez Motor zinih a tlanlai cu Israel Tank in a kah ih Minung 1 thi’n midang 2 in hriamhma an put ruangah asi.
Himi laiah UN Security Council cun Israel leh Hamas Ceasefire tuahnak dingthu an Pass ih. Asinan US cu himi thu pass nakah a tel duhlo. Himi Ceasefire tuahdingthu UK ih tuahmi Resolution cun  Israel cu Gaza ihsi hnukkir awsal dingin a phut. Ni kum December 27 ihsi Israel leh Hamas pawl an do awk hnu ah UN hin thu khohkhah felfai suahmi a nei hrihlo ih tuhi a vawikhat thusuah nak asi.   Hi UN resolution pass nakih US a telduhlo naksan cu US Secretary of State Condoleezza Rice cun  hi thuhi thil lungawi umlam si hmansehla  US cozah cun  West Asia rualrem nak um dingih biak awknak rah hmuh hmaisak a duh asi a ti. Hi UN thusuak hin umzia a neih dingleh neihlo ding theihfiang asilo ruangah US cu hithu ah a hnamhnawih awlo asi a ti.
Israel cun Hamas pawlthawi Ceasefire tuah theinak dingah cun Rocket hmangih Israel ram saklam kap nawnlo dingin leh.   Egypt ram fehtlangih ralthuam hriamnam lalut nawnlo dingin a nawr.  Hamas pawlcun Israel thawi Ceasefire tuah dingcun Israel in Gaza luhnak lamzinpi phit nawnlo ih a awn ringring a ttul an tive..
Tapung Hotu Kapthat
America Intelligence hotu pawlcun  Pakistan ih Al-Qaeda hotu lubik, Usama al-Kini leh a kiltu Sheikh Ahmed Swedan cu kahthat ansi tiah an sim. Hi pawlhi US raldo nak vanzam Pilot unlo Drone ih Missile kahsuakmi in  Afghanistan ramri ah a kapthat hai. Usama al-Kini hi nikum ih,  Islamabad ih Marriott Hotel Bomb puah ih minung 55 thihnak hotu bikih ruahmi asi.
Reuter News Agency in an simnakah, Hi Al-Qaeda hotu pawlhi South Waziristan ah an thi tiah a sim ih hipawl an thih ruangah Al-Qaeda pawlih hrangah cun thinnau nakleh nasa zetih  sun nak asi tiah asim bet.  Himi tei pahnih hi Kenya ramih suak an si ih. Kum 1988 ih Kenya leh Tanzania ramih US Embassy Bomb puahtu khalah hotu an siih (FBI) pawlcun kaih leh thah an cak bikmi an si. Usama al-Kini tlahi cu Pakistan Prime Minister hlun Benazer Bhutto that tumtu ih rakpuh zomi a si.

Comments

comments

Comments

%d bloggers like this: