Tangdor Raltthatnak

November 11

Tlawngkai Nithum

 

Tangdor Raltthatnak

 

Siar:

Filipi 2:19-30

 

Amah cu Bawipai’ sungah kan unau a si ih lungawi aipuang tein rak cohlang uh. Amah bangtuk minung cu hmaizahnak pe uh.       -Filipi 2:29

 

Kumkhat Sung Baibal:

–   Jeremiah 50

–   Hebru 8

 

Chicago Tribune thuthangca ih report pakhat ah, “Pathian thusimtu ihsin thokin daanthiam le CEO pawl tiang American minung kul lenglo in an ngah dah lomi raltthatnak tacik ka ngah tiah an ti,” ti’n a than. Navy Cross hmintthatnak ka ngah ti ih thuphan simtu pa mual a pho dah ih nehhnu ah, “Ralttha taktak pawl cun an tuahmi an rel lemlo,” tiah a ti.

     

Mi ralttha hminsinnak cu mah hrang ruat loin midang hrangah nunnak tiang liam ngam ih tuahnak khi a si. Filipi sungah Paul in a hnattuanpi pahnih kha zumnaklam ih mi ralttha an si ti’n a lawm hngai. Timote ih mah zawn ruat lonak le nuncan tthatnak cu Paul in, “Anih cu ziangtluk rinsantlak a si ti cu nanmah rori in nan theihmi a si; keimah thawn pa le fa bangin thuthangttha hrangah hna kan ttuan tlang,” (Filipi 2:22) ti’n a lawm. Cule ka unau Epaphroditas khal “Amah cu keimah thawn hnattuan tlang le raaldo tlang kan si (c.25); Khrih hrangah hnattuannak ah a nunnak ruat loin a ttuan..,” (c.30) ti’n a lawm ih, “hmaizahnak pek uh,” (c.29) tiah a forh hngai.

 

Paul in Filipi khua ih zumtu pawl hnenah mah zawn ruat loin Pathian hnattuantu pawl upat pek ding cu Baibal ih ttuanvo pekmi a si. Miralttha biak (hero worship) a si lo ih a nunzia ttha upatnak pek a si, a ti.

     

Tuni ah mi tangdor le mi ralttha Pathian riantu le A hmin in midang bawmtu zo tal thazaang pek le lawm in upatnak na pek thei mi an um maw?

 

Vancung ralttha pawl in an hmin an ngan kel lo,

Leitlun hminthannak lungphun parah;

Siangpahrang pawl ih siangpahrang hrang sawn ah,

Rintlak rennak lung an phun.

 

Khrih zumnak in mi menmen pawl kha

ralttha mihleice ah a cangter thei.

(Visited 26 times, 1 visits today)

Comments

comments

Comments

%d bloggers like this: