Tangdor Nun

December 8

Tlawngkai Nithum

Tangdor Nun

Siar:

2 Sansiarnak 26:3-19

Asinan siangpahrang Uzziah cu a cah ngaingai tik ahcun mi hngalzet ah a cang ih cumi cun a dirhthlak a si.  – 2 Sansiarnak 26:16

Kumkhat Sung Baibal:

–   Daniel 8-10

–    3 Johan

Dwight L. Moody in, “Mi pakhat in ka cak tiah a ruat aw ih amah le amah a rinsan awk asile cu pa cu a rei hlanah tlaksiatnak a tong ding. A can ding cu kum a reilai men thei nai’n tlaksiatnak hram a thok zo,” a ti. Hih thu hi siangpahrang Uzziah ih nunnak ah a rak dik.

Siangpahrang Uzziah cu a nunnak ah ziangkim a tluang hluahhlo a bang. Amah cu thungai nun neimi a si ih thlaraulam thuronnak pekmi ah a ap awtu a si. Siangpahrang a ttuan sungah caan tampi Pathian ih kaihhruainak hawltu a si. Pathian hnen ih bomnak a dil sung hmuahhmuah cu Pathian in hlawhtlinnak a pek ti cu a thiltuahmi pawl parah a lang (2 San. 26:3-15).

Huham cahnak le hlawhtlinnak in a mit a cawtter hlan lo Uzziah cu huham tumzet le hlawhtlingzet a rak si dah. A puarthaunak cu a phunphun in a lang: Pathian ih thianhlimnak a sawmngiar ih Biakinn sungah feh tahrat in a tuah lo dingmi rimhmui urnak biakttheng ah rimhmui a ur (c.16); Pathian ih huham cu a ttha a ti nain a ram kaihhruainak ahcun a ttul lo tiah a ruat (cc. 5, 16); nun remnak le thuronnak a el (cc.18-19); sualsir awknak caan ttha a nei na’n ziang siar loin a luanter; a sualnak ruangih a ra cang dingmi thil ttih loin le poisa loin a umsan men (cc.18-19).

Pathian in kan nunnak ih kap khatkhat ah hlawhtlinnak in pek tikah in petu hngilh hlah uhsi! Pathian in mi tangdor pawl zaangfahnak a pek hngai ruangah tangdornak sawn hril thiam uhsi!     – Marvin Williams

Na thinlung hi Pathian thawn an rem aw maw,

Thiisen sungah kholh aw;

Thianghlim dingin thianter aw; tangdor le niam in,

Pathian mit-hmuh ah a dik maw? – Hoffman

Niam ih nung ding kan hril tikah Pathian in saang ah in khai.

(Visited 82 times, 1 visits today)

Comments

comments

One Comment

  1. Tahan Kalaymyo says:

    A tha ngai ngai a si hi

Comments

%d bloggers like this: