“Tang-dai Vavai”

Moonlight-Girl
Suahsempi leh tthianrual tla cu,
Hi caan tang-dai rimnam cun,
Meipi an sat sumtual rawnah,
Meikhu’ a zel valrual zalam leng tla,
Tang-dai khawsik thei loin zai tin an sa.

Sunghno ka Nu na hrinhniang cu,
Vairang runthang dawh hnuaiah,
Runrep nei lo riakmaw va bang,
Buuhlum kan runiin ngai in,
Lungthin a na riahrem thiam lo zandai ah.

Thin diriamih tawnsalnak caan,
Cungkhua nu’n in ruatsak hram seh,
Ningttih thlaphannak um lo’n
Tang-dai vavai zaan tla hngilh in.

Pipu dawn mi zaute par ah,
Nihlum aii-tlang um thiam ding maw,
Hnamdang lakah aii ding um lo,
Chinram suak meihol hlumsa,
Lungthin vavai, tang-dai zaanah.

By/ Mai Thiante

Comments

comments

One Comment

  1. Thiam tuk.

Comments

%d bloggers like this: