Tamu Khawpi Ah Inn 7 Kaang

Tamu Inn kang
India le Myanmar ramri Tamu myo lai bazar tluan Ahmat 6 sungah kangmei a suah thu Golden Land Myanmar cun a tarlang.

11.3.2014 zan Nazi 8 hrawngin a kang thok. Thil mak zet pakhat cu khatlam ram ihsin meisa that-tu rak kuat a si.

The Voice Weekly ih a tarlang dan vek asile, Gas puak ihsi kaang thokin an zum. Meikang ruangah Khristian biakinn khal a tel thu a hmun um mi pakhat in a sim tiin a ngan.

A ngan peh vivonak ahcun, “Khuitawk ihsin ziangtin a kang thok ti cu kan theifiang lo. Meisa a kang hnu 15mins hrawng ihsin thil puak awn an thei” tiin meikangnak hmun ih va feh mino pakhat cun a sim.

India lam ihsin meithat motor pakhat le kawlram ihsin meithat motor pakhat thawn meisa an thah thu, zan 9:30pm hrawngih mei a daih thu, mi siatsuahaw an um lo thu pawl khal Tamu myo khawbawi cun a sim.

Meisa a kaang thoknak taktak le a siatralmi thilri pawlih man zat cu ttuat rero lai a siih simfiang theih hrih a si lo thu meithat hotu pakhat cuna sim.
Himi inn kaang ah Biakinn telin inn 7 a kang.

Comments

comments

Comments

%d bloggers like this: