Taliban Pawlin Siangpahrang Tupa Thah An Tum

Theihcia zo vekin Britain Siangpahrang tupa  Prince Harry kum 27 micu ralkap a si vekin  Afghanistan ramih hnattuan dingin kan dung zarh ah khan kuat a siih, hihi Taliban pawlcun thahsuak tengteng an tumthu an puangcih, Taliban thupuangtu, Zabihullah Mujahid cun  Prince Harry thahdan dingih tumthah nak felfaizet timtuah nak an neihzo thu a puangih, Prince Harry leh British ralkap bawi mi pawimawh pawl Helmand Province ih um pawl cu  thah an tum bikmi a si thu a simih Prince Harry hi rukhlo an tumlo thu leh  a umnak hmunih thah mai an tumthu khal a sim.

Prince Harry hi kandung zarh ah khan  Afghanistan ramih British ralkap hmunpi Camp Bastion a thlengih a mahhi  Helicopter Apache a mawngdingih a hmun tinkim ih thil umdan a zohkual vivo ih hleiah a ttul danih zirin  raldo vanzam khal a kilphah ding. Prince Harrry hi  aliamcia kum 4 ah khan Aghanistan ramah an rak kuatzo nan Taliban pawlih  thatsuak tengteng dingih an tumtuk ruangah kawhtlungsal a rak sizo, tuah an kuatsal.tuittum hi thlali sung um dingih kuatmi a si.

Prince Harry hi  a ralkap hminah Harry ti a silo ih Captain Wales tiah kawh a si, a mahhi kandung naite khalah  Las Vegas ih Hotel pakhat ah fala nu thawi lawngte fangkheh ih an pawl awklai zuk leh thuhla suahter ciamco a si.

Iraq Bamb Puak

Mizan sunah khan Iraq ram khawpi Baghdad hmun dangdangah bomb a puakih minung 42 an  thiih, midang 120 hrawngin hriamhma an pu. himi buainak hi Sunni Mulsim  leh Shiite Mulsim  pawl karalk eltai awknak leh doawknak ruangih suakmi a si tiah theih a si.

Mizan zing khawnvanzawng ihsin Bomb pawlhi  hmun dangdangah a puakih, Dujail khawpi khalah Tapung pawl leh ralkap pawl kahawk nakah minung ziangmawzat an thiih, cumi hnute ah Kirkuk khua ih Palik lakthar mi pawl dintlarnak ah Car a bomb a puakih hmun dangdang  ih buainak suak kawmkhawm in mizan sunah ah Iraq ram sungah minung 92 an thiih midang 362 hrawngin hriamhma an pu. himi buainak suakter tucu Al-Qaeda pawl an si tiah Iraq Interior Ministry cun an sim.

(Visited 58 times, 1 visits today)

Comments

comments

Comments

%d bloggers like this: