Taksa le Thinlung

June 20
Tlawngkai Nithum

Taksa le Thinlung

Bible Siar Ding: Luka 14:25-33

Mi pakhat cu Bawi pahnih ih sal a si thei lo.
– Luka 16:13

Tubaite ih hliakhlainak (survey) an tuahmi in American mi mipum zatek sawmsarih paruk 76% cun Christian kan si an ti aw, ti’n a tarlang. Himi nambat hi a liam cia kum pawl hnakin niamdeuh hmansehla, US ih ummi minung tthenli tthen ih tthenthum hnakih tamsawn cun Christian kan si tiah an ti awlai tinak a si.

Hih nambat hin mipi ih thinlung la theizet hmansehla, Jesuh in a dungthluntu pawl hnenah, “Bawipa tiih in kawh lawng hin Pathian lungawiternak dingah a daih tawk lo,” a ti. Nitin kan nun daan hrimhrim ah hmakhatte’n asilole atlaitluan in kan Bawipa – Adonai – ih thuthluntu kan sinak kan langter a ttul. A dungthluntu kan sinak ah kan nuncan ziaza hi kan awkam ih kan simmi hnakin niamsawn hlah seh!

A lenglam awkam in thuthluntu si cu a olte a bang na’n mitthenkhat in atak ih nuncih ding kan nuar (delay) phah ttheu. Kanmai’ remcaang zawngih thuthluntu kan si ttheu, asilole kan kiangkap thil umtu daan le kanmai’ bulpak khuakhan lairelnak vekin Pathian thuthlun kan tum. Sihmansehla, nun ah atak ih langter lomi thuthlunnak (obedience) cu alak a si ih thuthlunnak taktak khal a si lo. Atak ih kan tuah cih lomi thuthlunnak cu, Bawipa na simmi cu ka thei ko na’n, kan ti thawn a bang awk.

Pathian thuthlun lo daan phunkhat cu a dik lo zawngih thuthlun hi a si. Kanmai’ tumtah le khuakhannak kimter duh ah thil ttha titahrat in mah le mah ren awk khi a si.

“Adonai” ti ih kan kawhmi Pathian hnenah pum kan pe taktak maw? Asile cu a simmi vekin kan tuah dingih kan kut lawngin si loin….kan thinlung tak te’n kan tuah ding.

Adonai, ka nunnak pumhlum in na thuthluntu si dingin ka hlan aw;
ka thinlung khuaruahnak le ka nitin atak nunnak zate in.

Adonai Pathian ih thupek ka thlun lomi ziang a um?
Tuni ah A thu ziangti’n ka thlun (obey) ding?

@ Ava Pennington

(Visited 24 times, 1 visits today)

Comments

comments

Comments

%d bloggers like this: