Taj Mahal ah kan feh ve

By- Hngakteinnpi

Agra feh ding thu an rel celcel. Leitlun ih thilmak pasarihnak Taj Mahal cu ka zoh duh ve. Ka neihsun ka khawlmi te Rs-400/- cu Bus to man ah ka pe ve. Neih sun tiah ka ui ve zet nan rualpi tam sawn an feh ding fawn, feh cu ka duh hrimhrim. FU(D) pawl ih hohanak cun 3 April 2009 zan ah Bus khat in lengle val cu kan to ih Agra ih leitlun thilmak pasarih an timi Taj Mahal zoh ding cun kan pawk suak. Nonawn tam sawn ti pan cu a kawp kawp te to kan bo lo. Hnisuak saithiam pawl in itthat lo ding le Bus ri lo dingin hnihsuak an sai. Hla kan sak. It that duh pawl hman it that theilo zik khawp in kan au kio. A nuam.

Bus in zan var kan tlan ih zinglam nazi 5:00 ah Agra kan thleng. Khua a vang hrihlo. A it that tla kan um lai. Hlasak thei khal kan um ih hnihsuak tuah khal kan bo cuang lo. Duat aw nawn ih dawm aw phahmi fala le tlangval khal ka hmu. Ai Ai! an va duat aw ve, si ko! fala le tlangval lai daan a si hi tin ka thinlung ten. Khua a hawng vang ih lakphak in tawk an um, zin thawh hmai phiah, cei aw, kan mah le tawk ten kan buai cio. take-rest1

Hruaitu pawl in a sung luh theinak tiket an lei. Kan zaten hnisuak capoh tuah phah in a sung kan lut.

Kan fehtumnak bik Taj Mahal kan zoh hlan ah Siangpahrang umnak kan zoh lawk. Cunah a kawpkawp in kan zuk aw. Zuk awknak khal kan keng thepthep cio. Sirpaleng vek ih zuk aw tla kan um. A sim daan ding ka thiam lo a nuam tuk si ko. A then cu an ngaihzawng an zah deuh fawn si, zuk awk le an duh deuh fawn, ziang tin si maw an um. Nazi pahnih sung cutin caan kan hmang ih zingrawl ei tha mumal lo kan si ruangah sincaw ei dingin kan Bus lam kan pan ih kan mah le ken mi rawl ei na, dawr ih rawl ei na kan um.

Peng dangdang kawm khawm kan si ih Kala pawl in Where are you from? In ti le we are from Chin sate kan ti men China maw in ti le silo Chinmi rori kan si kan ti….an mangbang nawn. Kan hmuh duhbikmi Taj Mahal innpi ah kan lut ta. Ni a sa deuh ruangah kan hmai cu zawngsia bangin kan lip ko. Zo cio khal in mak ti nawn in Siangpahrang pai nupi thlan cu kan zoh. Kan zaten kan zuk aw. Mai duh nak ah mai duh daan daan in kan zuk aw. Hruaitu pawl khal ka thinlung ten ka lawm rero.fala-le-tlangval

Ka thinlung ih ka ruahmi ka lo sim duak ding.

Kan zohmi Taj Mahal hi siangpahrang pa in a nupi hngilhlonak ding le a nupi ih thucahmi kimnak ih a tuahmi inn ropi (Temple) vek a si. A nupi a duhdawt ruangah hivek inn ropi Taj Mahal (leitlun thil mak (7) nak ah a cang) timi cu ka thinlung tak in ka ruat. Siangpahrangpa in a nupi Mam Taj hi ziangtluk in a rak duh timi…kha mi innpi rak tuah lo khal sehla ziangmi a pawi asinan a nupi a duhdawt tuk ruangah khavek inn ropi tak a tuah ih a nupi a duhdawt zia cu leitlun hmunkip in an thei ih zoh dingah an cuh aw rero timi a si.

Thusuhnak ka tuah aw. Ziangah kan ni Chinmi in teh hi siangpahrang pai duhdawtnak vek kan nei ve lo maw? Duhdawtnak kan neihmi hi siangpahrangpa hnak in a te cuang ding maw si?….Kan neihmi duhdawtnak hi mi theihpi dingih au suah a cu thlang lo maw timi cu heleheh..heleheh.. rorin ka ruat a si ko. Cuti thu ka ruah lai ahcun Fala mawi zetzet pawl in “Hngakte kan zuk aw ding rak telve aw” tin ka kut in, in ra dir. Si, tlangval lai tipan cu an kiang ih din ka duh ve nawn.

Cutin nuam nak a phunphun cu khawp lo cingten kan tansan ih Delhi lam pan in Bus mawngtu pa cun a mawng ih Delhi cu zan nazi 8:00 ah kan ra thleng. Kan mah le inn ciarah kan tin.

(Visited 71 times, 1 visits today)

Comments

comments

2 Comments

  1. Daw nan um nasa,,,,,,,,,,,,,,,,,,,,,,,,,,,,
    kan ni kan feh lai kha ka ihmu tuk nakah Taj Mahal ah tla kasing i a har tuk,,,,
    mipi le an tam nasa si,,,,,,,,,,, asi nan amawi ka ti dan cu amak ve si

    Lei lung tlun i ka thil hmuh mi laki mawi ka ti bik mi laka Taj Mahal hi a tel rori.
    Ahmun thlen ihsin thin muril a tham tuk,,,,,,,,,,,,,,,,,,,
    U Hngakte na lung leng ruai ro a bang nasa
    na ca ngan dan hi,,, ka lo thei thiam zik te hehehehe

  2. Van Lal Thlan says:

    Dawt nan um nasa, feh thei le thei lo cu a tanaw deuh lo sawm… ha..ha..!!!
    Lai mi kan lungrual nak karh tertu si hram seh. A sinan, khat lei ah cun nun hmangthiamlo kan um theu hi cu poi ka ti tuk, Pathian duhloh zawng tuah nak tikcu-caan remcang-i rak hmang kan um theu hi cu a pawi deuh. Cu mi tii lo cu tha tuk law law…

Comments

%d bloggers like this: